അവന് ഇതുവരെ ഒരു മാറ്റവും വന്നിട്ടില്ല; നേരത്തേ അടുക്കള ഭാഗത്തേക്ക് പോലും വരാറില്ലായിരുന്നു; വിളിച്ചാൽ ഞാൻ പോകും; തുറന്നുപറഞ്ഞ് ശ്രീക്കുട്ടി

മിനിസ്‌ക്രീൻ താരവും മുൻ ബിഗ് ബോസ് മത്സരാർത്ഥിയുമായ അഭിലാഷ്, താനല്ല, ഭാര്യ ശ്രീക്കുട്ടിയാണ് 'ബിഗ് ബോസ് മെറ്റീരിയൽ' എന്ന് അഭിപ്രായപ്പെട്ടു. അഭിശ്രീ എന്ന പേരിലാണ് ഇരുവരും സോഷ്യൽ മീഡിയയിലും യൂട്യൂബിലും പ്രശസ്തരായത്. ഒരു ഓൺലൈൻ മാധ്യമത്തിന് നൽകിയ അഭിമുഖത്തിലാണ് അഭിലാഷ് ഇക്കാര്യം പറഞ്ഞത്.

അഭിലാഷിനൊപ്പം ബിഗ് ബോസിലെ സഹമത്സരാർത്ഥിയായിരുന്ന ഒനീൽ സാബുവും അഭിമുഖത്തിൽ പങ്കെടുത്തു. ബിഗ് ബോസിന്റെ അടുത്ത സീസണിലേക്ക് വിളിച്ചാൽ പോകുമോ എന്ന ചോദ്യത്തിന്, തീർച്ചയായും പോകുമെന്ന് ശ്രീക്കുട്ടി മറുപടി നൽകി.

ബിഗ് ബോസിന് ശേഷം അഭിലാഷിന് വന്ന മാറ്റങ്ങളെക്കുറിച്ചും ശ്രീക്കുട്ടി സംസാരിച്ചു. മുമ്പ് അടുക്കളയുടെ ഭാഗത്തേക്ക് പോലും വരാത്ത അഭിലാഷ് ഇപ്പോൾ അവിടെ വരാൻ തുടങ്ങിയതായി ശ്രീക്കുട്ടി സന്തോഷത്തോടെ പറഞ്ഞു. ഇത് ആരുടെ സ്വാധീനം കൊണ്ടാണെന്ന് ആലോചിക്കണമെന്നും ഒനീൽ തമാശയായി കൂട്ടിച്ചേർത്തു.

നീണ്ട പ്രണയത്തിനൊടുവിൽ വീട്ടുകാരുടെ എതിർപ്പുകളെ മറികടന്നാണ് അഭിലാഷും ശ്രീക്കുട്ടിയും വിവാഹിതരായത്. ടിക് ടോക്കിലൂടെ ശ്രദ്ധ നേടി യൂട്യൂബിൽ നിരവധി സബ്‌സ്‌ക്രൈബേഴ്‌സിനെ നേടിയ അഭിലാഷ്, ഡി ഫോർ ഡാൻസ് എന്ന റിയാലിറ്റി ഷോയിലൂടെയാണ് കൂടുതൽ പ്രശസ്തനായത്. ശാരീരിക വെല്ലുവിളികൾ വകവയ്ക്കാതെ മികച്ച നൃത്തം അവതരിപ്പിച്ച് കൈയടി നേടിയ അദ്ദേഹം രണ്ട് സീരിയലുകളിലും അഭിനയിച്ചിട്ടുണ്ട്.