അവനുമായുള്ള വിവാഹത്തിന് വീട്ടുകാർ എതിരായിരുന്നു; പ്രണയത്തിൽ നിന്ന് പിന്തിരിപ്പിക്കാൻ പല പ്രാവശ്യം നോക്കി; വീട്ടുകാരെ കൺവിൻസ് ചെയ്യാൻ ഒട്ടും സാധിച്ചില്ല; തുറന്നുപറഞ്ഞ് ബിന്നി

കൊച്ചി: ടിവി പരമ്പരയിലൂടെ ശ്രദ്ധേയയായ സീരിയൽ താരമാണ് ബിന്നി സെബാസ്റ്റ്യൻ. ഇപ്പോഴിതാ, ഭർത്താവ് നൂബിനുമായുള്ള തൻ്റെ പ്രണയത്തെക്കുറിച്ചും വിവാഹത്തിന് കുടുംബം കാണിച്ച എതിർപ്പിനെക്കുറിച്ചും തുറന്നുപറഞ്ഞത് ഇപ്പോൾ വീണ്ടും ചർച്ചയാവുകയാണ്. ബിഗ് ബോസ് മലയാളം സീസൺ 7-ലെ മത്സരാർത്ഥിയായ ബിന്നി, ഷോയിൽ പ്രവേശിക്കുന്നതിന് മുമ്പ് നൽകിയ ഒരു അഭിമുഖത്തിലാണ് തൻ്റെ പ്രണയകഥയിലെ പ്രതിസന്ധികൾ വെളിപ്പെടുത്തിയത്.

ഒരു കോമൺ ഫ്രണ്ട് വഴിയാണ് ബിന്നി നൂബിനെ പരിചയപ്പെടുന്നത്. അന്നത്തെ സാമൂഹിക മാധ്യമങ്ങളിലെ പ്രചാരത്തെക്കുറിച്ചും നൂബിൻ മോഡലിംഗ് ചെയ്തിരുന്നതിനെക്കുറിച്ചും ബിന്നി ഓർത്തെടുത്തു. നേരിട്ടറിയാത്ത ഒരാൾക്ക് ഫെയ്സ്ബുക്ക് വഴി സൗഹൃദം വാഗ്ദാനം ചെയ്യുന്നത് തൻ്റെ ആദ്യ അനുഭവമായിരുന്നു. സൗഹൃദത്തിൽ നിന്ന് പ്രണയത്തിലേക്കും പിന്നീട് വിവാഹത്തിലേക്കും എത്തുകയായിരുന്നു.

തൻ്റെ വീട്ടുകാർ ഒരു ഡോക്ടറെ മാത്രമേ വിവാഹം കഴിപ്പിക്കൂ എന്ന് ബിന്നിക്ക് ഉറപ്പുണ്ടായിരുന്നു. തൻ്റെ ഒരു ബന്ധു ഫോൺ പരിശോധിച്ചപ്പോഴാണ് നൂബിനുമായുള്ള ബന്ധം വീട്ടുകാരുടെ ശ്രദ്ധയിൽപ്പെട്ടത്. ഒരു 'ബ്രോക്കൺ ഫാമിലി' ആയതിനാൽ വീട്ടുകാർ എല്ലാവരും തൻ്റെ കാര്യങ്ങളിൽ ഇടപെട്ടിരുന്നു. നൂബിനെക്കുറിച്ചുള്ള മോശം പ്രചാരണങ്ങൾ നടത്തി ബന്ധത്തിൽ നിന്ന് പിന്തിരിപ്പിക്കാൻ അവർ ശ്രമിച്ചെങ്കിലും, നൂബിൻ അങ്ങനെയൊരാളല്ല എന്ന ബോധ്യമുള്ളതുകൊണ്ട് ബിന്നി അതിന് വഴങ്ങിയില്ല.

വിവാഹത്തിന് വീട്ടുകാരുടെ സമ്മതം നേടിയെടുക്കാൻ ബിന്നിക്ക് കഴിഞ്ഞില്ല. അവർ തൻ്റെ മാട്രിമോണി അക്കൗണ്ട് പോലും തയ്യാറാക്കിയിരുന്നു. എന്നാൽ, മാതാപിതാക്കളുടെ പരാജയപ്പെട്ട പ്രണയവിവാഹം കാരണം തൻ്റെ പ്രണയത്തെ അവർ അംഗീകരിച്ചില്ല. വിവാഹത്തിൽ നിന്ന് പിന്മാറാൻ ചുരുങ്ങിയത് അഞ്ച് വർഷത്തോളമാണ് വീട്ടുകാർ തന്നെ നിർബന്ധിച്ചതെന്ന് ബിന്നി പറയുന്നു. തുടർച്ചയായ കരച്ചിലും ഭക്ഷണം കഴിക്കാത്തതും നൂബിനുമായുള്ള ബന്ധം അവസാനിപ്പിക്കാൻ വേണ്ടിയുള്ള സമ്മർദ്ദവുമെല്ലാമായി മുന്നോട്ട് പോയി. ഈ സാഹചര്യത്തിൽ, തൻ്റെ ഭാവിയെ ഓർത്ത് ജോലിക്കായി ഡൽഹിയിലേക്ക് പോകാൻ താൻ തീരുമാനിച്ചുവെന്നും ബിന്നി അഭിമുഖത്തിൽ കൂട്ടിച്ചേർത്തു.