മൂത്ത മകനെ അടിച്ച് പുറത്താക്കി എന്നാണ് പലരും പറയുന്നത്; ഇത് സുധി ചേട്ടന്റെ മക്കളുടെ വീടാണ്; വിമര്‍ശനങ്ങളില്‍ പ്രതികരിച്ച് രേണു
മിമിക്രി കലാകാരന്‍ സുധിയുടെ ആദ്യ വിവാഹ?ത്തിലെ മകനെ വീട്ടില്‍ നിന്നിറക്കിവിട്ടു എന്ന വിമര്‍ശനങ്ങളില്‍ പ്രതികരിച്ച് ഭാര്യ രേണു. സുധി ചേട്ടന്റെ മക്കളുടെ വീട്ടിലാണ് താന്‍ കഴിയുന്നതെന്നും ഇത് തന്റെ വീടല്ലെന്നും രേണു പറഞ്ഞു.
സുധി ചേട്ടന്റെ മരണശേഷം അദ്ദേഹം ചെയ്തിരുന്ന പ്രോഗ്രാമുകളൊന്നും ഞാന്‍ കാണാറില്ല. അദ്ദേഹത്തെ ടിവിയില്‍ കാണുമ്പോള്‍ താങ്ങാനാകുന്നില്ല. കലാകാരന്മാര്‍ മരിച്ചുപോയാലും അവരുടെ വീട്ടുകാര്‍ക്ക് അവരെ ടിവിയില്‍ കാണാമല്ലോ എന്ന് ഞാന്‍ സുധി ചേട്ടനോട് പറഞ്ഞിട്ടുണ്ട്. അതിന് പറ്റില്ലെന്ന് എനിക്ക് മനസിലായി. ജീവിച്ചിരിക്കുമ്പോള്‍ അവരുടെ പ്രോഗ്രാമുകളൊക്കെ കാണുന്നത് രസമാണ്. എന്നാല്‍ അവര്‍ ഇനി വരില്ലെന്ന സത്യം അറിഞ്ഞുകൊണ്ട് കണ്ടുകൊണ്ടിരിക്കാന്‍ കഴിയുന്നില്ല.
മകനെ വീട്ടില്‍ നിന്ന് അടിച്ചുപുറത്താക്കി എന്നുവരെ പലരും പറയുന്നു. ഇത് സുധി ചേട്ടന്റെ മക്കളുടെ വീടാണ്. കിച്ചു കൊല്ലത്ത് നിന്നാണ് പഠിക്കുന്നത്. അതുകൊണ്ടാണ് അവന്‍ ഇവിടെ വരാത്തത്. ഇളയ മോനെ കാണണമെന്ന് തോന്നുമ്പോള്‍ അവന്‍ ഓടി വരുമെന്നും രേണു പറഞ്ഞു.
2023 ജൂണ്‍ അഞ്ചിനാണ് കൊല്ലം സുധി അപകടത്തില്‍പ്പെടുന്നത്. കോഴിക്കോട് ഒരു പരിപാടിയില്‍ പങ്കെടുത്തതിനു ശേഷം തിരികെ വരുമ്പോള്‍ തൃശ്ശൂരില്‍ വെച്ചാണ് അപകടം നടന്നത്. നടന്‍ സഞ്ചരിച്ചിരുന്ന കാര്‍ പിക്കപ്പ് ട്രക്കില്‍ ഇരിക്കുകയായിരുന്നു. തലയ്ക്ക് ഗുരുതരമായി പരിക്കേറ്റ സുധിയെ ഉടന്‍ ആശുപത്രിയില്‍ എത്തിച്ചെങ്കിലും പരിക്ക് ഗുരുതരമായതിനെ തുടര്‍ന്ന് മരിക്കുകയായിരുന്നു.