കാടിന്റെ പശ്ചാത്തലത്തില് അവതരിപ്പിക്കുന്ന മിസ്റ്ററി ഫാന്റസി ത്രില്ലര്; അസ്കര് അലി പൊലീസ് വേഷത്തില്; 'സംഭവം അദ്ധ്യായം ഒന്ന്' തിയറ്ററുകളിലേക്ക്
കൊച്ചി: പൂര്ണ്ണമായും കാടിന്റെ പശ്ചാത്തലത്തിലൂടെ അവതരിപ്പിക്കുന്ന മിസ്റ്ററി ഫാന്റസി ത്രില്ലര് സിനിമയായ 'സംഭവം അദ്ധ്യായം ഒന്ന്' എന്ന ചിത്രത്തിന്റെ റിലീസ് ഡേറ്റ് പ്രഖ്യാപിച്ചു. മാര്ച്ച് ആറിന് ചിത്രം പ്രദര്ശനത്തിനെത്തും. ദുരൂഹതകളും, ആക്ഷന് രംഗങ്ങളും കോര്ത്തിണക്കിയ ഒരു ത്രില്ലര് സിനിമയാണ് സംഭവം എന്നാണ് അണിയറ പ്രവര്ത്തകര് പുറത്തുവിടുന്ന വിവരം. നല്ല സിനിമ പ്രൊഡക്ഷന്സിന്റെ ബാനറില് നിര്മിക്കുന്ന ഈ ചിത്രം തിരക്കഥ രചിച്ച് സംവിധാനം ചെയ്യുന്നത് ജിത്തു സതീശന് മംഗലത്ത് ആണ്. അസ്കര് അലി, വിനീത് കുമാര്, സിദ്ധാര്ത്ഥ് ഭരതന് സെന്തില് കൃഷ്ണാ, അസ്സിം ജമാല്, എന്നിവര് ഈ ചിത്രത്തിലെ പ്രധാന കഥാപാത്രങ്ങളെ അവതരിപ്പിക്കുന്നു.
ഏറെ ശ്രദ്ധ നേടിയ സംഭവം എന്ന ഷോര്ട്ട് ഫിലിമിനെ ആസ്പദമാക്കിയുള്ളതാണ് ചിത്രം. സിനിമയുടെ കോ- പ്രൊഡ്യൂസര് നവീന് ഊട്ട, എക്സിക്യൂട്ടീവ് പ്രൊഡ്യൂസര് ആഷ്ന റഷീദ്, ചായഗ്രഹണം നവീന് നജോസ്, എഡിറ്റിങ് അര്ജുന് പ്രകാശ്, ബാക്ക്ഗ്രൗണ്ട് സ്കോര് ഗോഡ് വിന് തോമസ്, ഓഡിയോഗ്രഫി വിഷ്ണു ഗോവിന്ദ്, മേക്കപ്പ് പട്ടണം റഷീദ്, വസ്ത്രാലങ്കാരം സമീറ സനീഷ്, പ്രൊഡക്ഷന് കണ്ട്രോളര് പ്രവീണ് എടവണ്ണപ്പാറ, ആര്ട്ട് ഡയറക്ടര് സുജിത്ത് കൊല്ലനണ്ടി, സംഘട്ടനം അഷ്റഫ് ഗുരുക്കള്, സ്റ്റില്സ് നിദാദ് കെ. എന്, ചീഫ് അസോസിയേറ്റ് ഡയറക്ടര്സ് മെല്ബിന് മാത്യു, അനൂപ് മോഹന് എന്നിവരാണ്. പാലക്കാട്, തിരുവനന്തപുരം, വൈക്കം, വെള്ളൂര് എന്നിവിടങ്ങളിലായിരുന്നു ചിത്രീകരണം.