വെളളരിക്കയും ഉരുളക്കിഴങ്ങും തൊടില്ല; വർക്കൗട്ട് ചെയ്യുന്നത് സ്ഥിരം ശീലം; വെള്ളം കുടിയും മുടക്കില്ല; ഷൂട്ടിനിടയിലും മറക്കാതെയുള്ള ആഹാര ക്രമങ്ങൾ; രഹസ്യങ്ങൾ പരസ്യമാക്കി താരം; രശ്മികയുടെ ബ്യൂട്ടി സീക്രട്ടിന് പിന്നിൽ!

ചെന്നൈ: സൗത്ത് ഇന്ത്യയിൽ തന്നെ നിരവധി ഫാൻ ബേസുള്ള നടിയാണ് രശ്മിക മന്ദാന. കന്നഡ സിനിമയിലൂടെ സ്‌ക്രീനിൽ എത്തിയ താരം. വളരെ ചുരുക്ക സമയം ജനശ്രദ്ധ പിടിച്ചുപറ്റി. പിന്നാലെ മലയാളികളുടെ പ്രിയതാരമായി മാറിയ നടിയാണ് രശ്മിക മന്ദാന. സോഷ്യൽ മീഡിയയിൽ വളരെ സജീവമായ താരത്തിന് 44 ദശലക്ഷത്തിലധികം ഫോളോവേഴ്സ് ഉളള താരത്തിന്റെ പോസ്റ്റുകളും സിനിമാലോകത്ത് ചർച്ചയാകാറുണ്ട്.

അടുത്തിടെ ജിമ്മിൽ വർക്ക് ഔട്ട് ചെയ്യുന്നതിനിടെ കാലിന് പരിക്കേറ്റ ചിത്രങ്ങളും താരം പങ്കുവച്ചിരുന്നു. ഇപ്പോഴിതാ താരത്തിന്റെ സൗന്ദര്യ രഹസ്യങ്ങളും ഭക്ഷണക്രമത്തെയും കുറിച്ച് ചില മാധ്യമങ്ങൾ കുറിക്കുന്നു. തന്റെ ആരോഗ്യത്തിന് പിറകിൽ കൃത്യമായ ഭക്ഷണക്രമമാണെന്ന് രശ്മിക മുൻപ് തന്നെ ഒരു മാദ്ധ്യമത്തോട് പറഞ്ഞിട്ടുണ്ട്. സസ്യാഹാരങ്ങളാണ് രശ്മിക കൂടുതലായി കഴിക്കാറുളളത്.

ജങ്ക് ഫുഡുകൾ താരം പൂർണമായി ഒഴിവാക്കിയിട്ടുണ്ട്. ഷൂട്ടിംഗ് ലൊക്കേഷനുകളിലായാൽ പോലും വീട്ടിൽ തയ്യാറാക്കുന്ന ഭക്ഷണം മാത്രമാണ് രശ്മിക കഴിക്കാറുളളത്.ഏത് തിരക്കിലും വർക്കൗട്ട് ചെയ്യാനും രശ്മിക ഒട്ടും മടിക്കില്ല.

കിക്ക് ബോക്സിംഗ്, സ്‌കിപ്പിംഗ്, നൃത്തം, നീന്തൽ, യോഗ, ബ്രിസ്‌ക് വാക്കിംഗ് തുടങ്ങിയവയാണ് താരത്തിന് ഇഷ്ടപ്പെട്ട വർക്കൗട്ടുകൾ. ജിമ്മിലെ വർക്കൗട്ടിൽ വെയ്റ്റ് ട്രെയിനിംഗുകൾ ചെയ്യാനും രശ്മിക മടികാണിക്കില്ല. പേശികളുടെ ബലം വർദ്ധിപ്പിക്കുന്നതിനായുളള എല്ലാ തരത്തിലുളള വർക്കൗട്ടുകളും താരം ചെയ്യുന്നുണ്ട്. തന്റെ ശരീരത്തിന് ആവശ്യമായ അളവിലും വെളളം കുടിക്കാനും രശ്മിക മറക്കില്ല.

ആരോഗ്യകരമായ കൊഴുപ്പടങ്ങിയ അവോകാഡോ ടോസ്റ്റാണ് പ്രഭാത ഭക്ഷണത്തിനായി താരം തിരഞ്ഞെടുക്കാറുളളത്.കറുവപ്പട്ട ചേർത്ത മധുരക്കിഴങ്ങും രശ്മികയും പ്രിയവിഭവമാണ്. എന്നാൽ അലർജി പ്രശ്നങ്ങൾ ഉളളതുകൊണ്ട് തക്കാളി, ഉരുളക്കിഴങ്ങ്,ക്യാപ്സിക്കം, വെളളരിക്ക തുടങ്ങയവ കലർന്ന വിഭവങ്ങൾ രശ്മിക പൂർണമായും ഒഴുവാക്കുകയും ചെയ്തിട്ടുണ്ട്.