സംശയം ജനിക്കുന്നു..; വിനയ് ഫോർട്ട്, ഷറഫുദീൻ പ്രധാന വേഷങ്ങളിൽ; 'സംശയ' ത്തിന്റെ ആദ്യ പോസ്റ്റർ പുറത്തിറങ്ങി
കൊച്ചി: നവാഗതനായ രാജേഷ് രവി സംവിധാനം ചെയ്യുന്ന 'സംശയ' ത്തിന്റെ ആദ്യ പോസ്റ്റർ പുറത്തിറങ്ങി. വിനയ് ഫോർട്ട്, ഷറഫുദീൻ, ലിജോമോൾ, പ്രിയംവദ കൃഷ്ണൻ എന്നിവരാണ് ചിത്രത്തിലെ പ്രധാന വേഷങ്ങളിൽ എത്തുന്നത്. 1895 സ്റ്റുഡിയോസിന്റെ ബാനറിൽ സുരാജ് പി എസ്, ഡിക്സൺ പൊടുത്താസ്, ലിനോ ഫിലിപ്പ് എന്നിവർ ചേർന്നാണ് "സംശയം" നിർമ്മിച്ചിരിക്കുന്നത്. ചിത്രത്തിന്റെ സംവിധായകനായ രാജേഷ് രവി തന്നെയാണ് ചിത്രത്തിന്റെ കഥയും തിരക്കഥയും ഒരുക്കിയൊരിക്കുന്നത്.
മനീഷ് മാധവൻ ഛായഗ്രഹണം നിർവഹിക്കുന്ന ചിത്രത്തിന്റെ എഡിറ്റർ ലിജോ പോളാണ്, ഹിഷാം അബ്ദുൽ വഹാബാണ് സംഗീതം ഒരുക്കിയിരിക്കുന്നത്. ‘ആട്ടം’ സിനിമയ്ക്കു ശേഷം വിനയ് ഫോർട്ട് നായകനായെത്തുന്ന ചിത്രം പൊട്ടിച്ചിരിക്കളും, ട്വിസ്റ്റുകളും നിറഞ്ഞ ഒരു കുടുംബ ചിത്രമാണ്. സംശയരോഗവുമായി ബന്ധപ്പെട്ട കഥയാണ് ചിത്രത്തിന്റേതെന്നാണ് സൂചന. നേരത്തെ ചിത്രത്തിന്റേതായി ഇറങ്ങിയ വ്യത്യസ്തമായ മോഷന്‍ പോസ്റ്റര്‍ വലിയ ശ്രദ്ധ നേടിയിരുന്നു.
ആർട്ട് ഡയറക്ടർ ദിലീപ്നാഥ്, കോ റൈറ്റർ സനു മജീദ്, സൗണ്ട് ഡിസൈൻ ജയദേവൻ ചക്കാടത്ത്, സൗണ്ട് മിക്സ് ജിതിൻ ജോസഫ്, എക്സിക്യൂട്ടീവ് പ്രൊഡ്യൂസർ ഷബീർ പി എം, പ്രോമോ സോങ് അനിൽ ജോൺസൺ, ഗാനരചന വിനായക് ശശികുമാർ, അൻവർ അലി, വേണുഗോപാലൻ, പ്രൊഡക്ഷൻ കൺട്രോളർ രാജേഷ് മേനോൻ, മേക്കപ്പ് ഹസൻ വണ്ടൂർ, വസ്ത്രലങ്കാരം സുജിത് മട്ടന്നൂർ, സ്റ്റൈലിസ്റ്റ് വീണ സുരേന്ദ്രൻ, കാസ്റ്റിങ് ഡയറക്ടർ അബു വയംകുളം, ചീഫ് അസോസിയേറ്റ് കിരൺ റാഫേൽ, VFX പിക്ടോറിയൽ, പി ആർ പപ്പെറ്റ് മീഡിയ, ഡിജിറ്റൽ മാർക്കറ്റിംഗ് ഹൈറ്റ്സ്, ടൈറ്റിൽ ഡിസൈൻ അഭിലാഷ് കെ ചാക്കോ, സ്റ്റിൽസ് അജി മസ്കോറ്റ്, പബ്ലിസിറ്റി ഡിസൈൻ ആന്റണി സ്റ്റീഫൻ.