ഒറ്റ വര്‍ഷം കൊണ്ട് ട്രൂകോളറിന് നേടിക്കൊടുത്തത് 1406 കോടിയുടെ ലാഭം; ശൈലാദിത്യ മുഖോപാധ്യ ശ്രേയ ഘോഷാലിന്റെ പങ്കാളി മാത്രമല്ല; ടെക് ലോകത്തെ ടൈറ്റനും
സിനിമാപ്രേമികള്‍ക്ക് ശ്രേയ ഘോഷാല്‍ ഒരു പ്രശസ്ത ഗായികയായാണ് പരിചിതം. സംഗീതം മാത്രമല്ല, കുടുംബവിശേഷങ്ങളും സമൂഹമാധ്യമങ്ങളില്‍ ഗായിക പങ്കുവെക്കാറുണ്ട്. എന്നാല്‍ ഇപ്പോള്‍ ശ്രദ്ധ നേടുന്നത് ശ്രേയയുടെ ഭര്‍ത്താവായ ശൈലാദിത്യ മുഖോപാധ്യയുടെ കഥയാണ്. ടെക് ലോകത്തിന് വലിയ സംഭാവനകള്‍ നല്‍കിയ അദ്ദേഹം ഒരുപാട് പേര്‍ക്ക് പ്രചോദനവും നല്‍കുന്നുണ്ട്.
മുംബൈ സര്‍വകലാശാലയില്‍ നിന്ന് ഇലക്ട്രോണിക്‌സ് എന്‍ജിനീയറിങ്ങില്‍ ബിരുദം നേടിയശേഷം, ശൈലാദിത്യയുടെ പ്രൊഫഷണല്‍ യാത്ര സമാന്തരമായി വിപുലമായി. ഇന്നവേഷന്‍, ലീഡര്‍ഷിപ്പ്, തന്ത്രപരമായ കാഴ്ചപ്പാട്ഇവയെല്ലാം കൊണ്ട് അദ്ദേഹം ടെക് രംഗത്ത് തന്നെ വേറിട്ട വ്യക്തിത്വമായി മാറി.
ശൈലാദിത്യ മുഖോപാധ്യയുടെ നേതൃത്വത്തിലാണ് സ്വീഡിഷ് ടെക് ജൈന്റായ ട്രൂകോളര്‍ ഇന്ത്യയിലെ ടെലികോം യൂസര്‍മാരുടെ വിശ്വാസമാര്‍ജ്ജിച്ചത്. കോള്‍ ഐഡന്റിഫിക്കേഷന്‍, സ്പാം ബ്ലോക്കിങ് എന്നീ സേവനങ്ങളിലൂടെയാണ് ഈ മൊബൈല്‍ ആപ്പിന് വിപുലമായ സ്വീകരണം ലഭിച്ചത്. 2023-ല്‍ മാത്രം 1406 കോടി രൂപയുടെ വരുമാനമാണ് ട്രൂകോളര്‍ നേടിയത്. ഈ നേട്ടത്തില്‍ ശൈലാദിത്യയുടെ മാനേജ്‌മെന്റ് വഹിച്ചത് വലിയ പങ്കാണ്.
ശ്രേയ ഘോഷാലിന്റെ 'ഹസ്ബന്‍ഡ്' എന്ന നിലയെക്കപ്പുറമുള്ള വ്യക്തിത്വമാണ് ശൈലാദിത്യയുടെത്. ഇന്ത്യയിലെ ടെക് വ്യവസായം വളരുമ്പോള്‍, ആ വളര്‍ച്ചയുടെ പ്രധാന ചക്രങ്ങളിലൊരാളായി അദ്ദേഹം മാറിയിരിക്കുന്നു. ഏകദേശം 185 കോടിയോളം ആസ്തിയുള്ള അദ്ദേഹത്തിന്റെ ബിസിനസ് നേട്ടങ്ങള്‍ ആഗോള തലത്തിലാകെ ശ്രദ്ധേയമാണ്.
2015-ല്‍ പത്ത് വര്‍ഷത്തെ പ്രണയത്തിന് ശേഷം വിവാഹിതരായ ശ്രേയയും ശൈലാദിത്യയും ബാല്യകാല സുഹൃത്തുക്കളാണ്. അവരുടെ ബന്ധം കുടുംബവും കരിയറും ഒരുപോലെ കയ്യൊഴിയാതെ മുന്നോട്ടുകൊണ്ടുപോകുന്ന മാതൃകയാണ്. 2021-ല്‍ ഇവര്‍ക്ക് ദേവ്യാന്‍ എന്ന മകനും ജനിച്ചു.