അഡ്വ.കെ.പി.ബഷീറിന്റെപുസ്തകം 'തീയില് കുരുത്തു ,തിടമ്പേറി ' പ്രകാശനം ചെയ്തു
ദുബായ് : കോഴിക്കോട് ബാര് അസോസിയേഷന് മുന് പ്രസിഡണ്ടും എഴുത്തുകാരനുമായഅഡ്വ. കെപി ബഷീറിന്റെ പുതിയ പുസ്തകമായ ' തീയില് കുരുത്തു ,തിടമ്പേറി 'എം എസ് എസ് ഹാളില് പ്രകാശനം ചെയ്തു.
യു എ ഇ യിലെ പ്രമുഖ സാമ്പത്തിക ഉപദേഷ്ടാവ് ഹസന് ഉബൈദ് അല് മറി പ്രവാസി ഇന്ത്യലീഗല് സര്വീസ് സൊസൈറ്റി (പില്സ് ) യു എ ഇ പ്രസിഡന്റ് കെ കെ അഷ്റഫിന്ആദ്യ പ്രതി നല്കി പ്രകാശനം നിര്വഹിച്ചു.യശഃശരീരനായ സാഹിത്യ കുലപതി എം ടി, ചരിത്രകാരന് പ്രൊഫ .എം ജി എസ് നാരായണന്,മുന് മന്ത്രി പാലോളി മുഹമ്മദ് കുട്ടി, മുന് ഗോവ ഗവര്ണര് അഡ്വ.പി എസ ശ്രീധരന് പിളള ,കെ ഇ എന് കുഞ്ഞഹമ്മദ്, എം എന് കാരശ്ശേരി തുടങ്ങി ഇരുപതോളം പ്രമുഖരുടെ അഭിമുഖംആധാരമാക്കിയുള്ള അവരുടെ സംക്ഷിപ്ത ജീവചരിത്രമാണ് പുസ്തകത്തിന്റെ ഇതിവൃത്തം.ഡോ.സെബാസ്റ്റിയന് പോള് ആണ് പുസ്തകത്തിന് അവതാരിക തയാറാക്കിയത്. കോഴിക്കോട്ജവഹര് പബ്ലികേഷന്സാണ് പ്രസാധകര്.
അഡ്വ.മുഹമ്മദ് സാജിദ് അധ്യക്ഷത വഹിച്ചു. യു എ ഇ യിലെ പ്രമുഖ അന്താരാഷ്ട്ര അഭിഭാഷകന്ഡോ.ഹാനി ഹമൂദ് ഹെഗാഗ് മുഖ്യാതിഥിയായി പങ്കെടുത്തു.എം എസ് എസ് സിക്രട്ടറി ഷജില് ഷൌക്കത്ത്, മോഹന് എസ് വെങ്കിട്ട് , അല് നിഷാജ് ഷാഹുല്തുടങ്ങിയവര് ആശംസകള് അര്പ്പിച്ചു സംസാരിച്ചു.അഡ്വ.അസീസ് തോലേരി സ്വാഗതം പറഞ്ഞു.ഗ്രന്ഥ കര്ത്താവ് അഡ്വ.കെ.പി.ബഷീര് കൃതജ്ഞത പ്രസംഗം നടത്തി.