ഇന്ത്യന്‍ മീഡിയ അബുദാബി (ഇമ) ഓണാഘോഷവും കുടുംബ സംഗമവും നടത്തി
അബുദാബി : മാധ്യമ പ്രവര്‍ത്തകരുടെ കൂട്ടായ്മ ഇന്ത്യന്‍ മീഡിയ അബുദാബി (ഇമ) ഓണാഘോഷവും കുടുംബ സംഗമവും നടത്തി. ബുര്‍ജീല്‍ ഹോള്‍ഡിംഗ്സ്, നോട്ട് ബുക്ക് റസ്റ്റോറന്റ് എന്നിവരുടെ സഹകരണത്തോടെ അബുദാബി മദീനാ സായിദ് ഷോപ്പിംഗ് സെന്റര്‍ ഫുഡ് കോര്‍ട്ടിലെ നോട്ട് ബുക്ക് റസ്റ്റോറന്റില്‍ നടന്ന പരിപാടിയില്‍ ഇമ അംഗങ്ങളും കുടുംബാംഗങ്ങളും പങ്കെടുത്തു.
ചടങ്ങില്‍ ബുര്‍ജീല്‍ ഹോള്‍ഡിംഗ്‌സിനുള്ള ഉപഹാരം റീജ്യണല്‍ മാനേജര്‍ (ബിസിനസ്സ് ഡവലപ്പ് മെന്റ്) സി. എം. നിര്‍മ്മല്‍, നോട്ട് ബുക്ക് റസ്റ്റോറ ന്റ് ഗ്രൂപ്പിനുള്ള ഉപഹാരം എം. ഡി. സതീഷ് കുമാര്‍ മാനേജര്‍ ഷംലാക് പുനത്തില്‍ എന്നിവര്‍ ചേര്‍ന്ന് ഏറ്റു വാങ്ങി.
ഇന്ത്യന്‍ മീഡിയ അബുദാബി പ്രസിഡണ്ട് എന്‍. എം.അബൂബക്കര്‍, ജനറല്‍ സെക്രട്ടറി ടി. എസ്. നിസാമുദ്ദീന്‍, ട്രഷറര്‍ ഷിജിന കണ്ണന്‍ദാസ്, വൈസ് പ്രസിഡണ്ട് പി. എം. അബ്ദുല്‍ റഹിമാന്‍, ജോയിന്റ് സെക്രട്ടറി അനില്‍ സി. ഇടിക്കുള എന്നിവര്‍ ചേര്‍ന്നാണ് ഉപഹാരം സമ്മാനിച്ചത്.
യു. എ. ഇ. ഗോള്‍ഡന്‍ വിസ നേടിയ റാഷിദ് പൂമാടം, അംഗങ്ങളുടെ മക്കളില്‍ വിദ്യാഭ്യാസ മികവു പുലര്‍ത്തിയ ഹനാന്‍ റസാഖ്, ആമിന പി. എം. എന്നിവരെയും ആദരിച്ചു. എന്‍. എം. അബൂബക്കര്‍ അദ്ധ്യക്ഷത വഹിച്ചു. ടി. എസ്. നിസാമുദ്ദീന്‍ സ്വാഗതവും ഷിജിന കണ്ണന്‍ദാസ് നന്ദിയും പറഞ്ഞു. റസാഖ് ഒരുമനയൂര്‍, സമീര്‍ കല്ലറ തുടങ്ങിയവര്‍ നേതൃത്വം നല്‍കി.