സാൾട്ടി ചീസിന്റെ പണി പാളി...!; അമീറിന്‍റെ അധികാരത്തെയും അവകാശങ്ങളെയും പരസ്യമായി ചോദ്യം ചെയ്തു; പിന്നാലെ കടുത്ത നടപടി; പ്രമുഖ ബ്ലോഗര്‍ക്ക് രണ്ട് വർഷത്തെ കഠിന് തടവ്

കുവൈറ്റ്: അമീറിന്‍റെ അധികാരത്തെ പരസ്യമായി വളരെ രൂക്ഷമായി വിമർശിക്കുകയും ചോദ്യം ചെയ്തതിനും 'സാൾട്ടി ചീസ്' എന്നറിയപ്പെടുന്ന പ്രമുഖ ബ്ലോഗര്‍ക്ക് രണ്ട് വർഷത്തെ കഠിന് തടവ്. ശിക്ഷ വിധിച്ച അപ്പീൽ കോടതിയുടെ വിധി കാസേഷൻ കോടതി ശരിവയ്ക്കുകയും ചെയ്തു.

ഇയാൾ 'എക്സ്' പ്ലാറ്റ്‌ഫോമിൽ അമീറിനെ അപകീർത്തിപ്പെടുത്തുകയും അവഹേളിക്കുകയും ചെയ്യുന്ന പ്രസ്താവനകൾ എഴുതുകയും പ്രസിദ്ധീകരിക്കുകയും ചെയ്തതിന് കുറ്റക്കാരനാണെന്ന് കണ്ടെത്തിയാണ് കടുത്ത നടപടി.

ഇത് അമീറിൻ്റെ സ്ഥാനത്തെയും അധികാരത്തെയും ചോദ്യം ചെയ്യുന്നതിന് തുല്യമാണ്. സോഷ്യൽ മീഡിയയിൽ പ്രസിദ്ധീകരിച്ച പ്രസ്താവനകളിലൂടെ ഒരു പൊതുവേദിയിൽ അമീറിൻ്റെ അവകാശങ്ങളെയും അധികാരത്തെയും ചോദ്യം ചെയ്തതിന് പബ്ലിക് പ്രോസിക്യൂഷൻ 'സാൾട്ടി ചീസി'നെതിരെ കേസ് എടുത്തതിന് ശേഷമാണ് ഈ വിധി വന്നിരിക്കുന്നത്.