സ്കൂളിന്‍റെ ഇരുമ്പ് ഗേറ്റ് തകർന്നു ദേഹത്ത് വീണ് അപകടം; ആറ് വയസുകാരന് ദാരുണാന്ത്യം; സംഭവം ഹൈദരാബാദിൽ

ഹൈദരാബാദ്: സ്കൂളിൽ വച്ച് കളിച്ചുകൊണ്ടിരിക്കുമ്പോൾ ഇരുമ്പ് ഗേറ്റ് തകർന്ന് ദേഹത്ത് വീണ് ആറ് വയസുകാരൻ മരിച്ചു. ഹയത്‌നഗർ ജില്ലാ പരിഷത്ത് സ്‌കൂളിലാണ് സംഭവം നടന്നത്. ഒന്നാം ക്ലാസ് വിദ്യാർത്ഥിയായ അജയ് ആണ് മരിച്ചത്. തിങ്കളാഴ്ച വൈകുന്നേരം 4 മണിയോടെയാണ് സംഭവം നടന്നത്. അജയ് ഗേറ്റിനടുത്ത് കളിച്ചു കൊണ്ട് നിൽകുമ്പോൾ ഇരുമ്പ് ഗേറ്റ് തകർന്ന് വീഴുകയായിരുന്നു.

കളിക്കുന്നതിനിടെ ചില കുട്ടികൾ ഗേറ്റിൽ കയറി ആടിയതോടെയാണ് അപകടം നടന്നത്. കുട്ടികൾ ഗേറ്റിൽ കയറി ചില ആടി, ബലക്ഷയം സംഭവിച്ച ഗേറ്റ് തകർന്ന് അജയുടെ മേൽ പതിക്കുകയായിരുന്നു.

തലക്ക് ഗുരുതമായി പരിക്കേറ്റ കുട്ടിയെ ഉടനെ ആശുപത്രിയിൽ പ്രവേശിപ്പിച്ചു. പിന്നീട് മറ്റൊരു ആശുപത്രിയിലേക്കും ആരോഗ്യ നില വഷളായതോടെ വനസ്ഥലിപുരത്തെ സർക്കാർ ആശുപത്രിയിലേക്കും കൊണ്ടുപോയി. പക്ഷെ ചികിത്സക്കിടെ കുട്ടി മരിക്കുകയായിരുന്നു.