ഡി.ജെക്ക് പാട്ട് വെക്കുന്നതിനെച്ചൊല്ലി തര്‍ക്കം, സംഘര്‍ഷം; പന്ത്രണ്ടാം ക്ലാസ് വിദ്യാര്‍ത്ഥി കിണറ്റില്‍ വീണ് മരിച്ചു; മൂന്ന് പേര്‍ക്ക് പരിക്കേറ്റു
പന്ത്രണ്ടാം ക്ലാസ് വിദ്യാര്‍ത്ഥി കിണറ്റില്‍ വീണ് മരിച്ചു; മൂന്ന് പേര്‍ക്ക് പരിക്കേറ്റു
ലഖ്‌നോ: വിവാഹ പാര്‍ട്ടിയില്‍ ഡി.ജെക്ക് പാട്ട് വെക്കുന്നതിനെച്ചൊല്ലി ഉണ്ടായ വഴക്കില്‍ നിന്ന് ഓടി രക്ഷപ്പെടുന്നതിനിടെ പന്ത്രണ്ടാം ക്ലാസ് വിദ്യാര്‍ത്ഥി കിണറ്റില്‍ വീണു മരിച്ചു, മൂന്ന് പേര്‍ക്ക് പരിക്കേറ്റു. മോഹിത് യാദവ് എന്നയാളാണ് മരിച്ചത്. ശനിയാഴ്ച രാത്രി പൊഖ്ര ചെയിന്‍പൂരില്‍ നിന്ന് സര്‍ദിഹ ഗ്രാമത്തിലെ വസതിയിലേക്ക് വിവാഹ ഘോഷയാത്ര എത്തിയപ്പോഴാണ് സംഭവം സംഘര്‍ഷം ഉണ്ടായത്.
വരന്റെ കുടുംബാംഗങ്ങളില്‍ ചിലര്‍ വധുവിന്റെ അയല്‍ക്കാരായ യുവാക്കളെ വടികൊണ്ട് ആക്രമിച്ചു. ആവശ്യപ്പെട്ട പാട്ട് വെക്കുന്നതില്‍ എതിര്‍ത്തതിനാലാണ് അക്രമണം ഉണ്ടായത്. ഓടി രക്ഷപ്പെടാനുള്ള ശ്രമത്തിനിടെ യാദവും ഒപ്പം ഉണ്ടായിരുന്ന ഒരാളും കൂടി അടുത്തുള്ള കിണറ്റില്‍ വീണു. വീഴ്ചയില്‍ യാദവ് മരിച്ചു. കൂടെയുണ്ടായിരുന്നയാള്‍ക്ക് പരിക്കേറ്റു. ഇരുട്ടായതിനാലാല്‍ കിണര്‍ കാണാന്‍ സാധിക്കാത്തത് അപകട കാരണം. സംഭവത്തില്‍ അന്വേഷണം പുരോഗമിക്കുകയാണ്.
