ഓടിക്കൊണ്ടിരുന്ന കാറിന് മുകളിലേക്ക് കുന്നിന്‍ മുകളില്‍ നിന്ന് വലിയ പാറ പതിച്ചു; സണ്‍റൂഫ് തകര്‍ന്ന് യുവതിക്ക് ദാരുണാന്ത്യം
By : സ്വന്തം ലേഖകൻ
Update: 2025-10-30 10:37 GMT
മുംബൈ: ഓടിക്കൊണ്ടിരിക്കുന്ന കാറിന് മുകളിലേക്ക് കുന്നിന്‍ മുകളില്‍ നിന്നും ഒരു വലിയ പാറ വീണ് സണ്‍റൂഫ് തകര്‍ന്ന് യുവതി മരിച്ചു. മഹാരാഷ്ട്രയിലെ മലയോര പാതയായ തംഹിനി ഘട്ടിലാണ് അപകടം. പൂനെയില്‍ നിന്ന് മംഗാവിലേക്ക് യാത്ര ചെയ്യുകയായിരുന്ന 43കാരിയായ സ്‌നേഹല്‍ ഗുജറാത്തി എന്ന യുവതിയാണ് മരിച്ചത്. ഫോക്സ്വാഗണ്‍ വിര്‍ടസിന് മുകളിലേക്കാണ് പാറ പതിച്ചത്. ആഘാതത്തില്‍ സണ്‍റൂഫ് തകര്‍ന്ന് പാസഞ്ചര്‍ സീറ്റില്‍ ഇരിക്കുകയായിരുന്ന സ്‌നേഹലിന്റെ തലയിലിടിച്ചു. സ്‌നേഹല്‍ സംഭവ സ്ഥലത്തുവെച്ച് തന്നെ മരിച്ചു.