സര്ക്കാര് ഹോമില് നിന്നും ഒളിച്ചോടിയെ പെണ്കുട്ടികള് മെഡിക്കല് കോളേജ് ഗ്രൗണ്ടില് എത്തിയത് സുഹൃത്തിനെ കാണാന്; പോലീസുകാരനായി ആള്മാറാട്ടം നടത്തിയ ആള് ഭീഷണിപ്പെടുത്തി ലോഡ്ജില് എത്തിച്ചു പീഡിപ്പിച്ചു; പ്രതിക്ക് ഏഴ് വര്ഷം കഠിന തടവ് ശിക്ഷ വിധിച്ചു കോടതി
പോലീസുകാരനായി ആള്മാറാട്ടം നടത്തിയ ആള് ഭീഷണിപ്പെടുത്തി ലോഡ്ജില് എത്തിച്ചു പീഡിപ്പിച്ചു
തിരുവനന്തപുരം: സര്ക്കാര് ഹോമില് നിന്നും ഒളിച്ചോടിയ കുട്ടികളെ പോലീസുകാരനാണെന്ന് ആള് മാറാട്ടം നടത്തി തട്ടിക്കൊണ്ടുപോയി പീഡിപ്പിച്ച കേസില് പ്രതിക്ക് ഏഴ് വര്ഷം കഠിന തടവ് ശിക്ഷ. മെഡിക്കല് കോളജ് മടത്തുവിള വീട്ടില് വിഷ്ണു (35) വിനാണ് ഏഴ് വര്ഷം കഠിന തടവും 65000 രൂപ പിഴയും ശിക്ഷ വിധിച്ചത്. തിരുവനന്തപുരം പ്രത്യേക അതിവേഗ കോടതി ജഡ്ജി അഞ്ജു മീര ബിര്ളയാണ് വിധി പറഞ്ഞത്. പിഴ തുക കുട്ടിക്ക് നല്ക്കണമെന്നും ലീഗല് സര്വീസ് അതോറിറ്റി നഷ്ടപരിഹാരം നല്കണമെന്നും വിധിയിലുണ്ട്.
2022 നവംബര് അഞ്ചിന് രാത്രി ഏഴ് മണിയോടെ ഹോമില് നിന്ന് പതിനഞ്ച് വയസുള്ള രണ്ട് പെണ്കുട്ടികള് ഒളിച്ചോടി സുഹൃത്തിനെ കാണാന് മെഡിക്കല് കോളജ് ഗ്രൗണ്ടില് എത്തിയത്. അവിടെ വെച്ചു കുട്ടികളെ കണ്ട പ്രതി താന് പോലീസുകാരനാണെന്നും എന്തിന് ഇവിടെ നില്ക്കുന്നു എന്നും ആരാഞ്ഞു. പ്രതിയെ കണ്ട് ഭയന്ന കുട്ടികള് മെഡിക്കല് കോളജ് ഗ്രൗണ്ടില് നിന്നും ഓടി. എന്നാല് പ്രതി കുട്ടികളുടെ പിന്നാലെ സ്കൂട്ടറില് പാഞ്ഞു ഇവരെ പിന്തുടര്ന്ന് തടയുകയും ഭീഷണിപ്പെടുത്തി സ്കൂട്ടറില് കയറ്റുകയും ചെയ്തു.
നിങ്ങള് ഹോമില് നിന്നും ചാടിയ കേസില് നിന്നും നിങ്ങളെ ഒഴുവാക്കി തരാമെന്നും താന് പറഞ്ഞതുപോലെ കേട്ടാല് മതിയെന്നും പ്രതി പറഞ്ഞു. ഇതില് ഭയന്ന കുട്ടികള് പ്രതിയോടൊപ്പം പോകാന് തയാറായി. പ്രതി ഇവരെ അടുത്തുള്ള ലോഡ്ജിലേക്ക് കൊണ്ട് പോയി കുട്ടിയെ പീഡിപ്പിച്ചു. കുട്ടി വഴങ്ങാത്തപ്പോള് വിവാഹവാഗ്ധാനം നല്കിയ ശേഷമാണ് പീഡിപ്പിച്ചത്. കൂടെയുള്ള കുട്ടി ഉറങ്ങിയ തക്കം നോക്കിയാണ് പീഡനം നടത്തിയത്.
അടുത്ത ദിവസം പുലര്ച്ചെ ഒളിച്ചോട്ടവുമായി ബന്ധപ്പെട്ട കാര്യങ്ങള് പരിഹരിച്ചുവരാം എന്ന് പറഞ്ഞു പ്രതി കുട്ടികളെ മെഡിക്കല് കോളജ് ജങ്ഷനില് ഇറക്കി മുങ്ങുകയായിരുന്നു. ഈ സമയം കുട്ടികളെ കാണാതായത് സംബന്ധിച്ച് ഹോം അധികൃതര് പൂജപ്പുര െപാലീസില് പരാതി നല്കിയിരുന്നു. കുട്ടികള് എവിടെ പോകണം എന്ന് അറിയാതെ മ്യൂസിയത്തിന് സമീപം എത്തിയപ്പോള് പോലീസിന് ഇവരെ കണ്ടുകിട്ടി. തുടര്ന്ന് മൊഴി എടുത്തപ്പോഴാണ് പീഡന വിവരം പുറത്ത് വന്നത്.
പ്രോസിക്കൂഷന് വേണ്ടി സ്പെഷല് പബ്ലിക് പ്രൊസിക്കൂട്ടര് അഡ്വ.ആര്.എസ്. വിജയ് മോഹന് ഹാജരായി. പൂജപ്പുര സബ് ഇന്സ്പെക്ടര് പ്രവീണ് വി പി, മെഡിക്കല് കോളജ് സബ് ഇന്സ്പെക്ടര് പ്രിയ എ.എല് എന്നിവരാണ് കേസ് അന്വേഷിച്ചത്. പ്രോസിക്കൂഷന് 21 സാക്ഷികളെ വിസ്തരിച്ചു. 42 രേഖകളും എട്ട് തൊണ്ടിമുതലും ഹാജരാക്കി.