പാഞ്ഞെത്തിയ കാർ പെട്ടിക്കടയിലേക്ക് ഇടിച്ചുകയറി; യുവതിക്ക് ദാരുണാന്ത്യം; അപകടകാരണം അമിത വേഗതയെന്ന് നാട്ടുകാർ; പോലീസ് കേസെടുത്തു

കൊച്ചി: എറണാകുളം കോതമംഗലത്ത് കരിക്കു വിൽക്കുന്ന പെട്ടിക്കടയിലേക്ക് പാഞ്ഞെത്തിയ കാർ ഇടിച്ചുകയറി യുവതിക്ക് ദാരുണാന്ത്യം. ഇടുക്കി സ്വദേശിനി ശുഭയാണ് മരിച്ചത്. 33 വയസായിരുന്നു. ഇന്ന് വൈകീട്ടായിരുന്നു അപകടം നടന്നത്. കോതമംഗലം കുത്തുകുഴിയിൽ റോഡരികിൽ കരിക്ക് കച്ചവടം നടത്തുകയായിരുന്നു ശുഭയുടെ നേരെ കാർ പാഞ്ഞു കയറുകയായിരുന്നു.

കോതമംഗലം ഭാഗത്തേക്ക് വരികയായിരുന്ന കാർ നിയന്ത്രണം വിട്ടാണ് അപകടം നടന്നത്. ശുഭയെ സ്വകാര്യ ആശുപത്രിയിലെത്തിച്ചെങ്കിലും ജീവൻ രക്ഷിക്കാൻ സാധിച്ചില്ല. സംഭവത്തിൽ ഊന്നുകൽ പോലീസ് കേസ് എടുത്തു. സ്ഥലത്ത് പോലീസെത്തി മേൽ നടപടികൾ സ്വീകരിച്ചു.