നിയന്ത്രണം വിട്ടെത്തിയ ബൈക്ക് റോഡ് സൈഡിൽ പാർക്ക് ചെയ്തിരുന്ന മറ്റൊരു വാഹനവുമായി കൂട്ടിയിടിച്ച് അപകടം; മധ്യവയസ്കന് ദാരുണാന്ത്യം; സംഭവം കൊല്ലം ചിതറയിൽ

കൊല്ലം: ചിതറയിൽ നടന്ന റോഡ് അപകടത്തിൽ ബൈക്ക് യാത്രികനായ മധ്യവയസ്കന് ദാരുണാന്ത്യം. ചിതറ കിഴക്കുംഭാഗം സ്വദേശി ഗോപകുമാറാണ് മരിച്ചത്. നിയന്ത്രണംവിട്ട ബൈക്ക് റോഡ് സൈഡിലിരുന്ന മറ്റൊരു ഇരുചക്ര വാഹനത്തിലിടിച്ച് തെറിച്ച് വീഴുകയായിരുന്നു.​

ഗോപകുമാറിനെ ഉടൻ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാൻ സാധിച്ചില്ല. മൃതദേഹം ആശുപത്രിയിൽ സൂക്ഷിച്ചിരിക്കുകയാണ്. പോസ്റ്റ്മോർട്ടത്തിന് ശേഷം കുടുംബത്തിന് വിട്ടുനൽകും.സ്ഥലത്ത് പോലീസെത്തി മേൽ നടപടികൾ സ്വീകരിച്ചു.