പണിയെടുക്കാൻ ജയിലിൽ നിന്നും പുറത്തിറക്കി; പിന്നാലെ പോലീസിന്റെ കണ്ണുവെട്ടിച്ച് പ്രതി ജയിൽ ചാടി; അന്വേഷണം ഊർജ്ജിതമാക്കി; സംഭവം പീരുമേട് സബ് ജയിലിൽ

ഇടുക്കി: ജയിൽ ചാടിയ പ്രതി കടന്നുകളഞ്ഞു. പീരുമേട് സബ് ജയിലിലാണ് സംഭവം നടന്നത്. കുമളി ആനവിലാസം കന്നിക്കൽ സ്വദേശി കാരക്കാട്ടിൽ പ്രതി സജൻ ആണ് ജയിൽചാടിയത്.

ജയിൽവളപ്പിലെ ജോലികൾ ചെയ്യാൻ ഇറങ്ങിയപ്പോഴാണ് ഇയാൾ പോലീസിന്റെ കണ്ണ് വെട്ടിച്ച് കടന്നുകളഞ്ഞത്.

ഉച്ചയ്ക്ക് ഒരു മണിയോടെയാണ് സംഭവം നടന്നത്. ജോലിക്കായി പുറത്തിറക്കിയ പ്രതി ഉടൻ ചാടി രക്ഷപ്പെടുകയായിരുന്നു. ഉപ്പുതറ സ്റ്റേഷനിൽ രണ്ട് കേസും ഇയാൾക്കെതിരെ ഉണ്ടെന്നാണ് റിപ്പോർട്ടുകൾ. പ്രതിക്കായുള്ള അന്വേഷണം പോലീസ് ഊർജ്ജിതമാക്കിയെന്ന് അറിയിച്ചു.