വാട്സ് ആപ്പിൽ വീഡിയോ കോൾ വിളിച്ച് അപമാനിച്ചു; യുവതിയുടെ പരാതിയിൽ 32കാരൻ അറസ്റ്റിൽ

തൃശൂർ: യുവതിയുടെ വാട്സ് ആപ്പ് നമ്പറിലേക്ക് വീഡിയോ കോൾ വിളിച്ച് മാനഹാനി ഉണ്ടാക്കിയ കേസിലെ പ്രതി അറസ്റ്റിൽ. എറണാകുളം തോപ്പുംപടി സ്വദേശി കട്ടിയാട്ട് വീട്ടിൽ ടോണി (32)യെയാണ് കൊടുങ്ങല്ലൂർ പോലീസ് അറസ്റ്റ് ചെയ്തത്. ഓൺലൈൻ കേന്ദ്രത്തിൽ ജോലി ചെയ്യുന്ന യുവതീടെ പരാതിയിലായിരുന്നു അറസ്റ്റ്.

കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു. ടോണി തോപ്പുംപടി പോലീസ് സ്റ്റേഷനിൽ ലഹരിക്കടിമപ്പെട്ട് പൊതുജനശല്യം വരുത്തിയ കേസിലെ പ്രതിയാണ്. പോലീസ് ഇൻസ്പെക്ടർ ബി.കെ.അരുൺ, എസ്ഐ സെബി എന്നിവരാണ് അന്വേഷണ സംഘത്തിലുണ്ടായിരുന്നത്.