വാക്കുതർക്കത്തെ തുടർന്ന് യുവാവിനെ മദ്യ കുപ്പി കൊണ്ട് തലക്കടിച്ചു; ഗുരുതര പരിക്ക്; വ​ധ​ശ്ര​മ​ത്തി​ന് കേസെടുത്ത് പോലീസ്

അ​ഞ്ച​ൽ: 25കാരനെ മ​ദ്യ കു​പ്പി കൊണ്ടടിച്ച് പരിക്കേൽപ്പിച്ച സംഭവത്തിൽ കേസെടുത്ത് അന്വേഷണം ആരംഭിച്ച് പോലീസ്. ​ഏ​രൂ​ർ നെ​ട്ട​യം പാ​ലോ​ട്ടു​കോ​ണം ച​രു​വി​ള പു​ത്ത​ൻ​വീ​ട്ടി​ൽ ജ​ഗേ​ഷ് (25) നാ​ണ് പ​രി​ക്കേ​റ്റ​ത്. അ​ടി​യേ​റ്റ് ത​ല​പൊ​ട്ടു​ക​യും ഭാ​ഗി​ക​മാ​യി കേൾവി ശ​ക്തി ന​ഷ്ട​പ്പെ​ടു​ക​യും ചെ​യ്ത യു​വാ​വ് ആ​ശു​പ​ത്രി​യി​ൽ. ഏ വി​ള​ക്കു​പാ​റ സ്വ​ദേ​ശി ലി​നു​വി​നെ​തി​രെയാണ് വ​ധ​ശ്ര​മ​ത്തി​ന് ഏ​രൂ​ർ പോ​ലീ​സ് കേ​സെ​ടുത്തത്. ഇയാൾ ഒളിവിലാണ്.

ക​ഴി​ഞ്ഞ തി​ങ്ക​ളാ​ഴ്ച രാ​ത്രി എ​ട്ട​ര​യോ​ടെയാണ് കേസിനാസ്പദമായ സംഭവം. വി​ള​ക്കു​പാ​റ ക്ഷേ​ത്ര​ത്തി​ന് സമീപത്ത് വെച്ചാണ് ജഗേഷിനെതിരെ അക്രമമുണ്ടായത്. ഒ​ന്ന​ര​ക്കൊ​ല്ലം മു​മ്പ് ജ​ഗേ​ഷി​ന്‍റെ ജ്യേ​ഷ്ഠ​നും പ്ര​തി ലി​നു​വും ത​മ്മി​ൽ വാ​ക്കേ​റ്റം ന​ട​ന്നി​രു​ന്നു. ഈ ​സം​ഭ​വ​ത്തിന് ശേഷം ഇവർ തമ്മിൽ അകൽച്ചയിലായിരുന്നു. പ്രശ്നം പരിഹരിക്കാൻ ജ​ഗേ​ഷ് മ​ധ്യ​സ്ഥ​ത വ​ഹി​ച്ചിരുന്നു.

ടൈ​ൽ​സ് പ​ണി​ക്കാ​ര​നാ​യ ജ​ഗേ​ഷ് തൊ​ഴി​ൽ സം​ബ​ന്ധ​മാ​യ ആ​വ​ശ്യ​ത്തി​നാ​യി വി​ള​ക്കു​പാ​റ​യി​ലെ​ത്തി. തുടർന്ന്​ ലി​നുവുമായി വാ​ക്കേ​റ്റ​മു​ണ്ടായി. പിന്നാലെ ലിനു കൈ​യി​ലി​രു​ന്ന മ​ദ്യ​കു​പ്പി കൊ​ണ്ട് ജഗേഷിന്റെ ത​ല​ക്ക​ടി​ക്കു​ക​യാ​യി​രു​ന്നു. എ​ന്നാ​ൽ, കൈ​കൊ​ണ്ട് ത​ട​ഞ്ഞ​തി​നാ​ൽ ചെ​വി​യോ​ട് ചേ​ർ​ന്ന ഭാ​ഗ​ത്താ​ണ് അ​ടി​യേ​റ്റ്​ പൊ​ട്ടി​യ​ത്. പ​രി​ക്കേ​റ്റ ജ​ഗേ​ഷി​നെ ഉ​ട​ൻ​ത​ന്നെ അ​ഞ്ച​ലി​ലെ സ്വ​കാ​ര്യ ആ​ശു​പ​ത്രി​യി​ൽ പ്രവേശിപ്പിച്ചു.

പി​ന്നീ​ട് പു​ന​ലൂ​ർ താ​ലൂ​ക്കാ​ശു​പ​ത്രി​യി​ലും ഇ​വി​ടെ നി​ന്നും വി​ദ​ഗ്ദ്ധ ചി​കി​ത്സ​ക്കാ​യി പാ​രി​പ്പ​ള്ളി മെ​ഡി​ക്ക​ൽ കോ​ള​ജ്​ ആ​ശു​പ​ത്രി​യി​ൽ പ്ര​വേ​ശി​പ്പി​ച്ചെ​ങ്കി​ലും തി​രു​വ​ന​ന്ത​പു​രം മെ​ഡി​ക്ക​ൽ കോ​ളേ​ജ്​ ആ​ശു​പ​ത്രി​യി​ലേ​ക്ക്​ മാ​റ്റി. ഇ​പ്പോ​ൾ ജ​ഗേ​ഷി​നെ പു​ന​ലൂ​ർ താ​ലൂ​ക്കാ​ശു​പ​ത്രി​യി​ലേ​ക്ക് മാ​റ്റി​യി​രി​ക്കു​ക​യാ​ണ്. പ്ര​തി ലി​നു ഒ​ളി​വി​ലാ​ണെ​ന്നും അ​ന്വേ​ഷ​ണം ന​ട​ക്കു​ക​യാ​ണെ​ന്നും പോ​ലീ​സ് അ​റി​യി​ച്ചു.