അടുത്ത ദിവസത്തെ ഓട്ടത്തിനായി ഫുൾ ടാങ്ക് ഡീസൽ അടിച്ചിട്ടു; രാവിലെ ഓട്ടം തുടങ്ങിയ ബസ് വഴിയിലായി; സ്വകാര്യ ബസിൽ നിന്നും ഡീസൽ മോഷണം പോയതായി പരാതി

ആലപ്പുഴ: നിർത്തിയിട്ടിരുന്ന സ്വകാര്യ ബസിൽ നിന്നും ഡീസൽ മോഷണം പോയതായി പരാതി. മോഷണത്തിന്റെ സിസിടിവി ദൃശ്യങ്ങൾ നൂറനാട് പോലീസിന് കൈമാറി. കഴിഞ്ഞ ദിവസം പുലർച്ചെ 2.30 ഓടെയാണ് ഡീസൽ മോഷ്ടിച്ചത്. താമരക്കുളം നെടിയാണിക്കൽ ക്ഷേത്രത്തിന് സമീപം റോഡരികിൽ ഓട്ടം കഴിഞ്ഞ് നിർത്തിയിട്ടിരുന്ന അഫ്സാന മോൾ എന്ന് പേരുള്ള രണ്ട് ബസുകളിൽ നിന്നാണ്

പിറ്റേ ദിവസത്തെ ഓട്ടത്തിനായി ഫുൾ ടാങ്ക് ഡീസൽ അടിച്ചാണ് ഇട്ടിരുന്ന ബസ് ഓട്ടം തുടങ്ങി അധിക ദൂരം പോകുന്നതിന് മുമ്പ് വഴിയിലാവുകയായിരുന്നു. ഇതോടെയാണ് ഡീസൽ ടാങ്ക് കാലിയാണെന്ന് ബസ്സ് ജീവനക്കാർ മനസ്സിലാക്കുന്നത്.

തുടർന്ന് നടത്തിയ സിസിടിവി പരിശോധനയിൽ നിന്നാണ് മോഷണ ദൃശ്യങ്ങൾ വ്യക്തമായത്. കാർ ബസിന് സമീപം നിർത്തിയ ശേഷം കാറിൽ നിന്നിറങ്ങിയ ആൾ കന്നാസിൽ ഡീസൽ കൊണ്ടുപോകുന്നതിന്റെ ദൃശ്യങ്ങലാണ് ലഭിച്ചത്.

പരാതിക്കൊപ്പം ദൃശ്യങ്ങളും പോലീസിന് നൽകിയിട്ടുണ്ട്. പരാതി സംബന്ധിച്ച് അന്വേഷണം നടത്തിവരികയാണെന്നും പ്രതികളെ ഉടനെ തന്നെ പിടികൂടാനാവുമെന്നും പോലീസ് അറിയിച്ചു