നല്ല മീനാ.. ഒന്ന് നോക്കീട്ട് പോ .. ആയിക്കോട്ടേന്ന് ഞങ്ങളും; തെര്‍മോക്കോള്‍ പെട്ടിയില്‍ കഞ്ചാവ് ഇട്ട് അതിന്റെ മുകളില്‍ മീന്‍; രണ്ട് പേര്‍ പിടിയില്‍
മലപ്പുറം: മീന്‍ വണ്ടിയുടെ മറവില്‍ 16 കിലോ കഞ്ചാവ് കടത്താന്‍ ശ്രമിച്ച രണ്ട് പ്രതികളെ എടക്കര പൊലീസ് അറസ്റ്റ് ചെയ്തു. കൊണ്ടോട്ടി കൊളത്തൂര്‍ സ്വദേശി പുതിയ വീട്ടില്‍ അനസ്, തൃശ്ശൂര്‍ ചിറയമനങ്ങാട് സ്വദേശി കാരേങ്ങല്‍ ഹക്കിം എന്നിവരാണ് പിടിയിലായത്.
ആന്ധ്രാപ്രദേശില്‍ നിന്നും മത്സ്യം കൊണ്ടുവന്നതിന്റെ ചൂടില്‍ കഞ്ചാവ് കേരളത്തിലേക്ക് എത്തിക്കുക എന്ന ലക്ഷ്യത്തിലായിരുന്നു പ്രതികളുടെ നീക്കം. തെര്‍മോകോള്‍ പെട്ടിയില്‍ കഞ്ചാവ് പാകപ്പെടുത്തി, മുകളില്‍ മത്സ്യം നിറച്ച പെട്ടികള്‍ കയറ്റിയായിരുന്നു കടത്തല്‍. സംശയം തോന്നിയതിനാല്‍ വാഹനം തടഞ്ഞ പൊലീസ് സംഘം നടത്തിയ പരിശോധനയിലാണ് കഞ്ചാവ് കണ്ടെത്തിയത്.
വാഹനവും പിടിച്ചെടുത്തതായും കഞ്ചാവ് സുരക്ഷിതമായി സൂക്ഷിച്ചതായും പൊലീസ് അറിയിച്ചു. പ്രതികള്‍ക്കെതിരെ തികച്ചും ക്രമാനുസൃതമായ നിയമനടപടികള്‍ സ്വീകരിച്ചിട്ടുണ്ടെന്നും അന്വേഷണം കൂടുതല്‍ വ്യാപിപ്പിച്ചിരിക്കുകയാണെന്നും എടക്കര പൊലീസ് അറിയിച്ചു.
കുറിപ്പ്:
നല്ല മീനാ.. ഒന്ന് നോക്കീട്ട് പോ .. ആയിക്കോട്ടേന്ന് ഞങ്ങളും ??
മീന്‍ വണ്ടിയില്‍ കടത്താന്‍ ശ്രമിച്ച 16 കിലോ കഞ്ചാവുമായി രണ്ടു പേര്‍ എടക്കര പോലീസിന്റെ പിടിയിലായി. കൊണ്ടോട്ടി കൊളത്തൂര്‍ സ്വദേശി പുതിയ വീട്ടില്‍ അനസ്, തൃശ്ശൂര്‍ ചിറയമനങ്ങാട് സ്വദേശി കാരേങ്ങല്‍ ഹക്കിം എന്നിവരാണ് പിടിയിലായത്. ആന്ധ്രയില്‍ നിന്നും മത്സ്യം കൊണ്ടുവരുന്നതിന്റെ മറവിലാണ് പ്രതികള്‍ കഞ്ചാവ് കൊണ്ടുവന്നത്. തെര്‍മോകോള്‍ പെട്ടിയില്‍ കഞ്ചാവ് നിറച്ച് അതിന് മുകളില്‍ മത്സ്യം നിറച്ച പെട്ടികള്‍ വെച്ചാണ് കഞ്ചാവ് കടത്തിയിരുന്നത്.