എളവള്ളി ബ്രഹ്‌മകുളം ശ്രീ പൈങ്കണിക്കല്‍ ക്ഷേത്രത്തില്‍ ഉത്സവത്തിനിടെ ആനയിടഞ്ഞു; ചിറക്കല്‍ ഗണേശന്റെ കുത്തേറ്റ് മരിച്ചത് കച്ചവടത്തിനായി എത്തിയ ആലപ്പുഴ സ്വദേശി ആനന്ദ്; പാപ്പാന്‍ ഗുരുതരാവസ്ഥയില്‍

തൃശൂര്‍: ക്ഷേത്രോത്സവത്തിനെത്തിച്ച ആനയിടഞ്ഞ് ഒരാളെ കുത്തിക്കൊന്നു. എളവള്ളി ബ്രഹ്‌മകുളം ശ്രീ പൈങ്കണിക്കല്‍ ക്ഷേത്രത്തില്‍ ആണ് സംഭവം. കച്ചവടത്തിനായി എത്തിയ ആലപ്പുഴ സ്വദേശി ആനന്ദാണ് മരിച്ചത്. ചിറക്കല്‍ ഗണേശനെന്ന ആനയാണ് ഇടഞ്ഞത്.

കുളിപ്പിക്കുന്നതിനിടെ ആന ഇടഞ്ഞ് പാപ്പാനെ കുത്തിയ ശേഷം വിരണ്ട് ഓടുകയായിരുന്നു. തുടര്‍ന്ന് ആന ആനന്ദിനെ കുത്തുകയായിരുന്നു. തുടര്‍ന്ന് ആനയെ തളച്ച് ലോറിയില്‍ കയറ്റി. ആനയുടെ കുത്തേറ്റ പാപ്പാന്‍ ഗുരുതരാവസ്ഥയിലാണ്. ആനന്ദിന്റെ മൃതദേഹം ആശുപത്രിയിലേക്ക് മാറ്റി.