മില്ലില്‍ ജോലി ചെയ്യുന്നതിനിടെ അപകടം; കൊപ്ര ആട്ടുന്നതിനിടയില്‍ അബദ്ധത്തിൽ മിഷനില്‍ കൈ കുടുങ്ങി; നിലവിളിച്ച് യുവതി; കൈ പൂർണമായും അറ്റു പോയി; നില അതീവ ഗുരുതരം
By : സ്വന്തം ലേഖകൻ
Update: 2025-02-25 16:10 GMT
മലപ്പുറം: റൈസ് മില്ലിലെ മിഷിനില്‍ കുടുങ്ങി യുവതിയുടെ കൈ അറ്റുപോയി. ചങ്ങരംകുളം വളയംകുളത്താണ്‌ സംഭവം നടന്നത്. കക്കിടിപ്പുറം സ്വദേശി പുഷ്പ(40)യുടെ വലത് കയ്യാണ് അറ്റത്. ചൊവ്വാഴ്ച്ച രാവിലെ പത്തര മണിയോടെയാണ് സംഭവം നടന്നത്. കഴിഞ്ഞ രണ്ട് വര്‍ഷമായി മില്ലില്‍ ജോലി ചെയ്യുന്ന പുഷ്പയാണ് അപകടത്തില്‍ പെട്ടത്.
കൊപ്ര ആട്ടുന്നതിനിടയില്‍ മിഷനില്‍ കൈ കുടുങ്ങി അറ്റു പോവുകയായിരുന്നു. സംഭവം കണ്ടെത്തിയ ഓടിക്കൂടിയ നാട്ടുകാരാണ് കൈ പൂര്‍ണ്ണമായും അറ്റ നിലയില്‍ യുവതിയെ ചങ്ങരംകുളത്തെ സ്വകാര്യ ആശുപത്രിയില്‍ എത്തിച്ചത്. പുഷ്പയുടെ ആരോഗ്യ നില അതീവ ഗുരുതരമെന്നാണ് അധികൃതർ വ്യക്തമാക്കുന്നത്.