അടുത്ത മൂന്ന് മണിക്കൂർ ജാഗ്രത വേണം; സംസ്ഥാനത്ത് വ്യാപക മഴയ്ക്ക് സാധ്യത; തിരുവനന്തപുരം ജില്ലയിൽ റെഡ് അലർട്ട്; 50 കിലോമീറ്റർ വേഗതയിൽ കാറ്റ് വീശുമെന്നും മുന്നറിയിപ്പ്

തിരുവനന്തപുരം: അടുത്ത മൂന്ന് മണിക്കൂറിനുള്ളിൽ സംസ്ഥാനത്ത് വ്യാപകമായ മഴയ്ക്ക് സാധ്യതയുണ്ടെന്ന് കാലാവസ്ഥാ നിരീക്ഷണ കേന്ദ്രം അറിയിച്ചു. തിരുവനന്തപുരം ജില്ലയിൽ റെഡ് അലേർട്ട് പ്രഖ്യാപിച്ചിട്ടുണ്ട്. കാസർകോട്, കണ്ണൂർ, കോഴിക്കോട്, തൃശൂർ, എറണാകുളം, ഇടുക്കി ജില്ലകളിൽ ഓറഞ്ച് അലേർട്ടും, മറ്റ് ജില്ലകളിൽ യെല്ലോ അലേർട്ടും നിലവിലുണ്ട്.

ഇടിയോടുകൂടിയ ശക്തമായ മഴയ്ക്ക് പുറമെ മണിക്കൂറിൽ 50 കിലോമീറ്റർ വരെ വേഗതയിൽ കാറ്റ് വീശാനും സാധ്യതയുണ്ട്. സംസ്ഥാനത്ത് മഴ വീണ്ടും ശക്തമാകുമെന്നാണ് ലഭിക്കുന്ന സൂചനകൾ.