മീൻ കുളത്തിലെ വലയിൽ അസാധാരണ അനക്കം; പലരും പേടിച്ചുമാറി; അടുത്തെത്തി നോക്കുമ്പോൾ കൂറ്റനൊരു അതിഥി; പാഞ്ഞെത്തി വനപാലകർ

കൊച്ചി: വലയിൽ കുടുങ്ങിയ കൂറ്റൻ മലമ്പാമ്പിനെ സാഹസികമായി പിടികൂടി. കോതമംഗലത്താണ് സംഭവം നടന്നത്. അമ്പലപ്പറമ്പ് സ്വദേശി കറുകപ്പിള്ളിൽ ഷോയി കുര്യാക്കോസിന്‍റെ മീൻ കുളത്തിൽ സ്ഥാപിച്ചിരുന്ന സംരക്ഷണ വലയിൽ കുടുങ്ങിയ നിലയിലാണ് മലമ്പാമ്പിനെ കണ്ടെത്തിയത്.

കോതമംഗലം ഫോറസ്റ്റ് ഓഫീസിൽ വിവരം അറിയിച്ചതിനെ തുടർന്ന് വൈകിട്ടോടെ പാമ്പുപിടുത്ത വിദഗ്ദ്ധൻ ജുവൽ ജൂഡി സ്ഥലത്തെത്തി ഒടുവിൽ പാമ്പിനെ പിടികൂടി വനപാലകർക്ക് കൈമാറുകയും ചെയ്തു. പലരും മലമ്പാമ്പിനെ നേരിൽ കണ്ടതിന്റെ ഞെട്ടലിലാണ്.