കെ സുരേന്ദ്രൻ ലൈസൻസ്‌ പോലും ഇല്ലാതെ ട്രാക്ടർ ഓടിച്ചു; വാഹന ഉടമയ്‌ക്ക്‌ എട്ടിന്റെ പണി; 5,000 രൂപ പിഴചുമത്തി; സംഭവം നടന്നത് പ്രചാരണ പരിപാടിക്കിടെ

പാലക്കാട്: പാലക്കാട് ഉപതിരഞ്ഞെടുപ്പ് പ്രചാരണത്തിനിടെ ബിജെപി മുൻ സംസ്ഥാന പ്രസിഡൻറ് കെ. സുരേന്ദ്രൻ ട്രാക്ടർ ഓടിച്ച സംഭവവുമായി ബന്ധപ്പെട്ട് ട്രാക്ടർ ഉടമയ്ക്ക് പാലക്കാട് ട്രാഫിക് എൻഫോഴ്സ്‌മെന്റ് 5,000 രൂപ പിഴചുമത്തി. കെ സുരേന്ദ്രന് ട്രാക്ടർ ഓടിക്കാനുള്ള ലൈസൻസ് ഇല്ലെന്ന്‌ കണ്ടെത്തിയതിന്റെ പിന്നാലെയായിരുന്നു നടപടി.

തിരഞ്ഞെടുപ്പ് പ്രചാരണഭാഗമായി ട്രാക്ടർറാലി സംഘടിപ്പിച്ചപ്പോഴാണ് സുരേന്ദ്രൻ ട്രാക്ടർ ഓടിച്ചത്. ഇതിനെതിരേ എസ്എഫ്ഐ എറണാകുളം ജില്ലാസെക്രട്ടറിയായിരുന്ന ഫസൽ മുഹമ്മദ് കഴിഞ്ഞ നവംബറിൽ അന്നത്തെ പാലക്കാട് എസ്‌പി ആർ. ആനന്ദിന് പരാതി നൽകിയിരുന്നു. തുടർന്ന്, ട്രാഫിക് എൻഫോഴ്സ്‌മെന്റ് വിഭാഗം വാഹനം അന്വേഷിച്ച് കണ്ടെത്തുകയും ഉടമയിൽനിന്നും പിഴ ഈടാക്കുകയും ചെയ്തു.