ഒരു മാസത്തോളമായി ആശുപത്രി കിടക്കയിൽ തന്നെ; വിദേശത്ത് നിന്നുള്ള മരുന്നുള്‍പ്പെടെ നൽകിയെങ്കിലും ശ്രമങ്ങൾ വിഫലം; കോഴിക്കോട് മസ്തിഷ്ക ജ്വരം ബാധിച്ച യുവതിക്ക് ദാരുണാന്ത്യം
By : സ്വന്തം ലേഖകൻ
Update: 2025-02-23 15:33 GMT
കോഴിക്കോട്: കോഴിക്കോട് മസ്തിഷ്ക ജ്വരം ബാധിച്ച് ചികിത്സയിലായിരുന്ന യുവതി മരിച്ചു. ചെങ്ങോട്ടുകാവ് കൂഞ്ഞിലാരി സ്വദേശി ആയ 39കാരിയാണ് മരണത്തിന് കീഴടങ്ങിയത്. ഒരു മാസത്തോളമായി കോഴിക്കോട് മെഡിക്കല്‍ കോളേജ് ആശുപത്രിയില്‍ ചികിത്സയിൽ ആയിരിന്നു. അമീബിക് മസ്തിഷ്ക ജ്വരത്തിന്‍റെ ലക്ഷണങ്ങളുമായിട്ടാണ് യുവതിയെ നേരത്തെ മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചത്.
പിന്നീട് രോഗം സ്ഥിരീകരിച്ചു. വിദേശത്ത് നിന്നും എത്തിച്ച മരുന്നുള്‍പ്പെടെ നല്‍കിയെങ്കിലും പിന്നീട് യുവതിയുടെ നില ഗുരുതരാവസ്ഥയിലാവുകയായിരുന്നു. അതേസമയം, എവിടെ നിന്നാണ് രോഗം ബാധിച്ചതെന്ന കാര്യം വ്യക്തമല്ലെന്ന് മെഡിക്കല്‍ കോളേജ് അധികൃതര്‍ വ്യക്തമാക്കി. അന്വേഷണം നടക്കുന്നതായും അറിയിച്ചു.