ഓട്ടോയുടെ വരവിൽ സംശയം; പിടിച്ചുനിർത്തി പരിശോധിച്ച്‌ പോലീസ്; പുകയില ഉത്പന്നമായ ഹാന്‍സുമായി യുവാവ് അറസ്റ്റിൽ; 8 ചാക്കുകൾ വരെ പിടിച്ചെടുത്തു; കൈയ്യോടെ പൊക്കി
കല്‍പ്പറ്റ: ഓട്ടോയില്‍ കടത്താൻ ശ്രമിച്ച ഹാന്‍സുമായി യുവാവ് അറസ്റ്റിൽ. വയനാട് കമ്പളക്കാട് സ്വദേശി അസ്ലം (36) എന്നയാളാണ് പോലീസ് വലയിൽ കുടുങ്ങിയത്. കൂടിയ തുകയ്ക്ക് ചില്ലറ വില്‍പ്പന ലക്ഷ്യമിട്ടാണ് ഹാന്‍സ് പ്രതി എത്തിച്ചത്. ജില്ല ലഹരിവിരുദ്ധ സ്‌ക്വാഡും കമ്പളക്കാട് പോലീസും ചേര്‍ന്നാണ് ഇയാളുടെ കയ്യില്‍ നിന്നും ഹാന്‍സ് പിടിച്ചെടുത്തത്.
ഹാന്‍സ് നിറച്ച എട്ട് ചാക്കുകളാണ് ഓട്ടോയില്‍ ഉണ്ടായിരുന്നത്. ചൊവ്വാഴ്ച പുലര്‍ച്ചെ കമ്പളക്കാട് ഭാഗത്തു നിന്നും പറളിക്കുന്ന് ഭാഗത്തേക്ക് ഓട്ടോയില്‍ പുകയില ഉല്‍പ്പന്നം കടത്താൻ ശ്രമിക്കവേ ആണ് യുവാവ് പിടിയിലായത്.
എട്ട് ചാക്കുകളിലായി 1,595 പാക്കറ്റ് ഹാന്‍സാണ് ഉണ്ടായിരുന്നത്. കുട്ടികളുള്‍പ്പെടെയുള്ളവര്‍ക്ക് ഹാന്‍സ് നല്‍കുന്നവരിലെ പ്രാധാന കണ്ണിയാണ് അസ്ലം എന്നാണ് ലഭിക്കുന്ന വിവരങ്ങൾ. കമ്പളക്കാട് സബ് ഇന്‍സ്പെക്ടര്‍ എന്‍ എ രാധാകൃഷ്ണന്‍റെ നേതൃത്വത്തിലായിരുന്നു പരിശോധന.