പത്തുവയസ്സുകാരിയെ ലൈംഗികമായി പീഡിപ്പിച്ച കേസ്; അറുപത് കാരന് 25 വര്‍ഷം തടവും മൂന്ന് ലക്ഷം രൂപ പിഴയും
പത്തുവയസ്സുകാരിയെ ലൈംഗികമായി പീഡിപ്പിച്ച കേസ്; അറുപത് കാരന് 25 വര്‍ഷം തടവും മൂന്ന് ലക്ഷം രൂപ പിഴയും
By : സ്വന്തം ലേഖകൻ
Update: 2025-02-06 01:50 GMT
പത്തനംതിട്ട: പത്തുവയസ്സുകാരിയെ ലൈംഗികമായി പീഡിപ്പിച്ച കേസില്‍ പ്രസിക്ക് 25 വര്‍ഷം കഠിനതടവും മൂന്നുലക്ഷം രൂപ പിഴയും ശിക്ഷ. ചെങ്ങരൂര്‍ കടുവാക്കുഴി ചൂരംകുറ്റിക്കല്‍ വീട്ടില്‍ ഭുവനേശ്വരന്‍ പിള്ളയെ (60) ആണ് പത്തനംതിട്ട അതിവേഗകോടതി സ്‌പെഷ്യല്‍ കോടതി ജഡ്ജി ഡോണി തോമസ് വര്‍ഗീസ് ശിക്ഷിച്ചത്. കീഴ്വായ്പൂര് പോലീസ് 2023-ല്‍ എടുത്ത കേസിലാണ് വിധി. 2023 ജനുവരിക്കും മാര്‍ച്ച് 17-നുമിടയിലാണ് കുട്ടിയോട് ഇയാള്‍ ലൈംഗിക അതിക്രമം കാട്ടിയത്.
പിഴയടച്ചില്ലെങ്കില്‍ ഒരുവര്‍ഷം കഠിനതടവ് കൂടി പ്രതി അനുഭവിക്കണം. പിഴത്തുക കുട്ടിക്ക് നല്‍കണമെന്നും വിധിയില്‍ പറയുന്നു. പോലീസ് ഇന്‍സ്പെക്ടര്‍ വിപിന്‍ ഗോപിനാഥനാണ് കേസ് അന്വേഷണം പൂര്‍ത്തിയാക്കി കോടതിയില്‍ കുറ്റപത്രം നല്‍കിയത്. പ്രോസിക്യൂഷനുവേണ്ടി പബ്ലിക് പ്രോസിക്യൂട്ടര്‍ റോഷന്‍ തോമസ് ഹാജരായി.