പത്തനാപുരത്ത് മന്ത്രിക്ക് എസ്‌കോര്‍ട്ട് പോയ പൊലീസ് ജീപ് നിയന്ത്രണം വിട്ട് മറിഞ്ഞു; രണ്ട് പൊലീസുകാര്‍ക്ക് പരുക്കേറ്റു
മന്ത്രിക്ക് എസ്‌കോര്‍ട്ട് പോയ പൊലീസ് ജീപ് നിയന്ത്രണം വിട്ട് മറിഞ്ഞു
By : സ്വന്തം ലേഖകൻ
Update: 2025-04-09 15:29 GMT
കൊല്ലം: മന്ത്രി ഒ.ആര്‍ കേളുവിന് എസ്‌കോര്‍ട്ട് പോയ പൊലീസ് വാഹനം നിയന്ത്രണം വിട്ട് മറിഞ്ഞ് രണ്ട് പൊലീസുകാര്‍ക്ക് പരുക്കേറ്റു. പത്തനാപുരം വാഴത്തോപ്പിലാണ് അപകടം നടന്നത്. കടയ്ക്കല്‍ പോലീസ് സ്റ്റേഷനിലെ ജീപ്പ് വഴിയരികിലെ മതിലില്‍ ഇടിച്ച് മറിയുകയായിരുന്നു. തലകീഴായി മറിഞ്ഞ വാഹനത്തിലുണ്ടായിരുന്ന രണ്ട് പോലീസുകാര്‍ക്കാണ് പരുക്കേറ്റത്. ഇവരെ ആശുപത്രിയിലേക്ക് മാറ്റിയിട്ടുണ്ട്.
