തേങ്ങയിടാന്‍ തെങ്ങില്‍ കയറിയ കയറിയ ഗൃഹനാഥന് ദേഹാസ്വാസ്ഥ്യം; ഫയര്‍ഫോഴ്‌സെത്തി താഴെയിറക്കിയെങ്കിലും ജീവന്‍ രക്ഷിക്കാനായില്ല
തേങ്ങയിടാന്‍ തെങ്ങില്‍ കയറിയ കയറിയ ഗൃഹനാഥന് ദേഹാസ്വാസ്ഥ്യം
By : സ്വന്തം ലേഖകൻ
Update: 2025-05-21 15:43 GMT
മലപ്പുറം: മലപ്പുറത്ത് തേങ്ങയിടാന്‍ തെങ്ങില്‍ കയറിയ ഗൃഹനാഥന് മരിച്ചു. പുറത്തൂരില്‍ സേലത്ത് വീട്ടില്‍ കണ്ണന്‍ (70) ആണ് മരിച്ചത്.
വീട്ടിലെ തെങ്ങില്‍ തേങ്ങയിടാനും തെങ്ങ് വൃത്തിയാക്കാനും കയറിയതായിരുന്നു അദ്ദേഹം. തെങ്ങിന്റെ മുകളില്‍ വെച്ച് ദേഹാസ്വാസ്ഥ്യമുണ്ടായി. തുടര്‍ന്ന് തെങ്ങില്‍ നിന്ന് പിടിവിട്ടുപോയി. ഇതോടെ തെങ്ങുകയറ്റ മെഷീനില്‍ കാല്‍ കുടുങ്ങി താഴേക്ക് തൂങ്ങിക്കിടക്കുകയായിരുന്നു. നാട്ടുകാര്‍ വിവരമറിയിച്ചതിനെ തുടര്‍ന്ന് തിരൂര്‍ ഫയര്‍ഫോഴ്‌സ് ഉദ്യോഗസ്ഥര്‍ സ്ഥലത്തെത്തി ആളെ താഴെ ഇറക്കി. തുടര്‍ന്ന് ഉടനെ തന്നെ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല.