കാലവര്‍ഷക്കെടുതി; കെ എസ് ഇ ബി തിരുവനന്തപുരം ഇലക്ട്രിക്കല്‍ സര്‍ക്കിളില്‍ പ്രത്യേക കണ്‍ട്രോള്‍ റൂം; വൈദ്യുതി പുനസ്ഥാപിക്കാന്‍ യുദ്ധകാലാടിസ്ഥാനത്തില്‍ പ്രവര്‍ത്തനം
By : സ്വന്തം ലേഖകൻ
Update: 2025-05-24 07:01 GMT
തിരുവനന്തപുരം: കാറ്റും മഴയും ശക്തമായതിനെ തുടര്‍ന്ന് തിരുവനന്തപുരം ജില്ലയുടെ വിവിധ ഭാഗങ്ങളില്‍ വൈദ്യുതി വിതരണസംവിധാനത്തിന് വലിയതോതില്‍ നാശനഷ്ടങ്ങളുണ്ടായിട്ടുണ്ട്. പ്രതികൂലമായ എല്ലാ സാഹചര്യങ്ങളെയും അതിജീവിച്ച് വൈദ്യുതി ബന്ധം സമയബന്ധിതമായി പുനസ്ഥാപിക്കാനുള്ള യുദ്ധകാലാടിസ്ഥാനത്തിലുള്ള പ്രവര്‍ത്തനങ്ങള്‍ നടത്തിവരികയാണ് കെ എസ് ഇ ബി അറിയിച്ചു.
വൈദ്യുതിതടസ്സവും അപകടസാധ്യതകളും സംബന്ധിച്ച പരാതികളും വിവരങ്ങളും അറിയിക്കുന്നതിന് തിരുവനന്തപുരം ഇലക്ട്രിക്കല്‍ സര്‍ക്കിളില്‍ പ്രത്യേക കണ്‍ട്രോള്‍ റൂം പ്രവര്‍ത്തനമാരംഭിച്ചിട്ടുണ്ട്. പൊതുജനങ്ങള്‍ക്ക് 94960 18377 എന്ന നമ്പരില്‍ 24 മണിക്കൂറും ബന്ധപ്പെടാവുന്നതാണ് എന്ന് തിരുവനന്തപുരം ഇലക്ട്രിക്കല്‍ സര്‍ക്കിള്‍ ഡെപ്യൂട്ടി ചീഫ് എഞ്ചിനീയര്‍ അറിയിച്ചു.