ബന്ധുവീട്ടിലെ വീട്ടുമുറ്റത്ത് കളിച്ചുകൊണ്ടിരിക്കെ നാല് വയസുകാരനെ നായക്കൂട്ടം ആക്രമിച്ചു; ഗുരുതര പരിക്ക്

പാലക്കാട്: തെരുവ് നായ ആക്രമണത്തില്‍ നാലുവയസുകാരന് പരിക്ക്. മരുതറോഡ് പ്രതിഭാ നഗറില്‍വെച്ച് ആലത്തൂ4 സ്വദേശി അയാനാണ് പരിക്കേറ്റത്. മരുതറോഡിലെ ബന്ധുവീട്ടിലെത്തിയതായിരുന്നു അയാനും കുടുബവും. വീട്ടുമുറ്റത്ത് കളിച്ചുകൊണ്ടിരിക്കെ ഒരു കൂട്ടം നായകളെത്തി ആക്രമിക്കുകയായിരുന്നു. ഗുരുതരമായി പരിക്കേറ്റ കുട്ടിയെ ജില്ലാ ആശുപത്രിയില്‍ മാറ്റി. ഇതേ പ്രദേശത്ത് ഒരാഴ്ചക്കിടെ ഇത് രണ്ടാമത്തെ സംഭവമാണ്. കഴിഞ്ഞ ആഴ്ച പ്രദേശത്ത് എട്ടു വയസുകാരനെയും തെരുവുനായ ആക്രമിച്ചിരുന്നു.