മലക്കപ്പാറയില്‍ നാലു വയസുകാരനെ പുലി ആക്രമിച്ചു; കുട്ടിയെ പുലി പിടിച്ചത് അച്ഛനും അമ്മയ്ക്കും ഒപ്പം ഉറങ്ങി കിടക്കുമ്പോള്‍: പരിക്കേറ്റ കുട്ടി ആശുപത്രിയില്‍

തൃശ്ശൂര്‍: മലക്കപ്പാറയില്‍ നാല് വയസുകാരനെ പുലി ആക്രമിച്ചു. അച്ഛനും അമ്മയ്ക്കും ഒപ്പം ഉറങ്ങി കിടക്കുമ്പോള്‍ കുടിലില്‍ കയറിയാണ് പുലി കുട്ടിയെ ആക്രമിച്ചത്. മലക്കപ്പാറ വീരന്‍കുടി ആദിവാസി ഊരിലെ നാല് വയസുകാരനാണ് പുലിയുടെ ആക്രമണത്തിന് ഇരയായത്. ചെറിയ പരിക്കുകളോടെ കുട്ടി രക്ഷപ്പെട്ടു. അച്ഛനും അമ്മയ്ക്കും ഒപ്പം ഉറങ്ങിയ കുട്ടിയെ കുടിലില്‍ കയറിയാണ് പുലി ആക്രമിച്ചത്.

ആക്രമണം ഇന്ന് പുലര്‍ച്ചെ മൂന്ന് മണിക്കായിരുന്നു സംഭവം. വീരന്‍കുടി ഊരിലെ ബേബി, രാധിക ദമ്പതികളുടെ മകന്‍ രാഹുലിനാണ് പരിക്കേറ്റത്. കുട്ടിയുടെ മാതാപിതാക്കള്‍ ബഹളം വച്ചപ്പോള്‍ പുലി കുടിലില്‍ നിന്ന് ഓടി. കുട്ടിയെ ചാലക്കുടി താലൂക്ക് ആശുപത്രിയില്‍ പ്രവേശിപ്പിച്ചു.