അതിതീവ്രമഴയ്ക്കു സാധ്യത; കണ്ണൂരും കാസര്‍കോടും റെഡ് അലര്‍ട്ട്
അതിതീവ്രമഴയ്ക്കു സാധ്യത; കണ്ണൂരും കാസര്‍കോടും റെഡ് അലര്‍ട്ട്
തിരുവനന്തപുരം: അതിതീവ്രമഴയ്ക്കു സാധ്യതയുള്ളതിനാല്‍ കണ്ണൂര്‍, കാസര്‍കോട് ജില്ലകളില്‍ ഇന്ന് കേന്ദ്ര കാലാവസ്ഥാവകുപ്പ് റെഡ് അലര്‍ട്ട്പ്രഖ്യാപിച്ചു. മലപ്പുറം, കോഴിക്കോട്, വയനാട് ജില്ലകളില്‍ ഓറഞ്ച് ജാഗ്രതാനിര്‍ദേശവും നല്‍കി. ഇടുക്കി, എറണാകുളം, തൃശ്ശൂര്‍, പാലക്കാട് ജില്ലകളില്‍ മഞ്ഞ ജാഗ്രതാനിര്‍ദേശമാണുള്ളത്.
ബംഗാള്‍ ഉള്‍ക്കടലിനു മുകളില്‍ തമിഴ്നാട് തീരത്തിനു സമീപം ഉയര്‍ന്നനിലയില്‍ ചക്രവാതച്ചുഴി സ്ഥിതിചെയ്യുന്നു. അതിന്റെ സ്വാധീനഫലമായി അടുത്ത അഞ്ചുദിവസം നേരിയ, ഇടത്തരം മഴയ്ക്കു സാധ്യതയുണ്ടെന്ന് കേന്ദ്ര കാലാവസ്ഥാവകുപ്പ് അറിയിച്ചു. ഓഗസ്റ്റ് എട്ടുവരെ ഒറ്റപ്പെട്ട അതിശക്തമായ മഴയ്ക്കും ബുധനാഴ്ച 50 കിലോമീറ്റര്‍വരെ വേഗത്തില്‍ കാറ്റിനും സാധ്യതയുണ്ട്.
കേരളം, കര്‍ണാടക, ലക്ഷദ്വീപ് തീരങ്ങളില്‍ ബുധനാഴ്ചയും മത്സ്യബന്ധനത്തിനു വിലക്കുണ്ട്. ഈ മേഖലയില്‍ 60 കിലോമീറ്റര്‍വരെ വേഗതയില്‍ കാറ്റ് പ്രതീക്ഷിക്കുന്നു.