കൂത്താട്ടുകുളത്ത് സ്‌കൂള്‍ ബസുകള്‍ തമ്മില്‍ കൂട്ടി ഇടിച്ചു; 12 വിദ്യാര്‍ത്ഥികള്‍ക്ക് പരിക്കേറ്റു
By : സ്വന്തം ലേഖകൻ
Update: 2025-10-16 11:27 GMT
കൊച്ചി: എറണാകുളം കൂത്താട്ടുകുളത്ത് സ്‌കൂള്‍ ബസുകള്‍ തമ്മില്‍ കൂട്ടി ഇടിച്ച് അപകടം. അപകടത്തില്‍ 12 കുട്ടികള്‍ക്ക് പരിക്കേറ്റു. രണ്ട് ഡ്രൈവര്‍മാരെയും ആശുപത്രിയില്‍ പ്രവേശിപ്പിച്ചു. ആരുടേയും പരിക്ക് ഗുരുതരമല്ല എന്നാണ് വിവരം.
കൂത്താട്ടുകുളം കോതോലി പീടികയിലാണ് അപകടമുണ്ടായത്. ഇല്ലാഞ്ഞി സെന്റ്. ഫിലോമിനാസ് പബ്ലിക് സ്‌കൂളിലെയും ഞീഴൂര്‍ സെന്റ് കുര്യാക്കോസ് സ്‌കൂളിലെയും ബസുകളാണ് പരസ്പരം കൂട്ടിയിടിച്ചത്.