മഞ്ചേശ്വരത്ത് വൻ കുഴൽപ്പണ വേട്ട; കാറിൽ കടത്താൻ ശ്രമിച്ച 75 ലക്ഷം രൂപ പോലീസ് പിടിച്ചെടുത്തു; ഉറവിടം എവിടെയെന്ന ചോദ്യത്തിന് ഉത്തരമില്ല

കാസര്‍കോട്: മഞ്ചേശ്വരത്ത് കാറിൽ കടത്താൻ ശ്രമിച്ച 75 ലക്ഷം രൂപ പിടിച്ചെടുത്ത് പോലീസ്. ഹൈവെ പട്രോളിംഗ് നടത്തുകയായിരുന്ന മഞ്ചേശ്വരം പൊലീസാണ് പണം പിടികൂടിയത്‌. കാഞ്ഞങ്ങാട് സ്വദേശി തുക്കാറാം എന്നയാളും അദ്ദേഹത്തിൻ്റെ ഭാര്യയുമാണ് കാറിൽ ഉണ്ടായിരുന്നത്.

മംഗളൂരു ഭാഗത്ത് നിന്നും എത്തിയ കാറിൽ സംശയം തോന്നി പരിശോധിച്ചപ്പോഴാണ് പണം കണ്ടെത്തിയത്. കാർ യാത്രക്കാർക്ക് പണത്തിന്റെ ഉറവിടം വെളിപ്പെടുത്താൻ ഇതുവരെ കഴിഞ്ഞിട്ടില്ല. ഇതോടെ പണം കസ്റ്റഡിയിൽ എടുത്തത്.