മലപ്പുറം വേങ്ങരയില് യുവതിയെ ഭര്തൃവീട്ടില് തുങ്ങി മരിച്ച നിലയില് കണ്ടെത്തി; 31കാരിയുടെ മരണത്തില് പോലിസ് അന്വേഷണം തുടങ്ങി
യുവതിയെ ഭര്തൃവീട്ടില് തുങ്ങി മരിച്ച നിലയില് കണ്ടെത്തി
By : സ്വന്തം ലേഖകൻ
Update: 2025-12-16 03:54 GMT
മലപ്പുറം: വേങ്ങരയില് യുവതിയെ ഭര്ത്താവിന്റെ വീട്ടില് തൂങ്ങി മരിച്ച നിലയില് കണ്ടെത്തി. ചേറൂര് മിനി കാപ്പ് സ്വദേശി നിസാറിന്റെ ഭാര്യ ജലീസ ആണ് മരിച്ചത്. 31 വയസ്സായിരുന്നു. വീടിന്റെ അടുക്കളയോട് ചേര്ന്നുള്ള ഷെഡിലാണ് യുവതിയെ തൂങ്ങി മരിച്ച നിലയില് കണ്ടെത്തിയത്. കാരാത്തോട് അപ്പക്കാട് സ്വദേശി ഉത്തമാവുങ്ങല് ആലി - സുലൈഖ ദമ്പതികളുടെ മകളാണ് ജലീസ. മൃതദേഹം ആശുപത്രിയിലേക്ക് മാറ്റി. പോസ്റ്റ്മോര്ട്ടത്തിന് ശേഷം കുടുംബത്തിന് വിട്ടുനല്കും. അതേസമയം, സംഭവത്തില് പൊലീസ് അന്വേഷണം തുടങ്ങി.