പാര്ലിമെന്ററി രാഷ്ട്രീയ രംഗത്തുനിന്നും വര്ഷങ്ങള്ക്കു മുമ്പേ തന്നെ ഞാന് വിട പറഞ്ഞതാണ്; ആ നിലപാടിന് യാതൊരു മാറ്റവുമില്ല; മറിച്ചുള്ള വാര്ത്തകള്ക്ക് യാതൊരു അടിസ്ഥാനവുമില്ല; ഇനി മത്സരിക്കില്ലെന്ന് വിഎം സുധീരന്
By : സ്വന്തം ലേഖകൻ
Update: 2026-01-03 06:08 GMT
തിരുവനന്തപുരം: നിയമസഭാ തിരഞ്ഞെടുപ്പില് മത്സരിക്കില്ലെന്ന് മുതിര്ന്ന കോണ്ഗ്രസ് നേതാവ് വിഎം സുധീരന്. ഫെയ്സ് ബുക്ക് പോസ്റ്റിലൂടെയാണ് നിലപാട് വ്യക്തമാക്കിയത്. പാര്ലിമെന്ററി രാഷ്ട്രീയ രംഗത്തുനിന്നും വര്ഷങ്ങള്ക്കു മുമ്പേതന്നെ ഞാന് വിടപറഞ്ഞതാണ്. പിന്നീട് പല സന്ദര്ഭങ്ങളിലും തെരഞ്ഞെടുപ്പുകളില് മത്സരിക്കുന്നതിന് കോണ്ഗ്രസ് നേതൃതലത്തില് നിന്നും സമ്മര്ദ്ദങ്ങളുണ്ടായെങ്കിലും നന്ദിപൂര്വ്വം അതൊക്കെ ഒഴിവാക്കുകയാണുണ്ടായത്. ആ നിലപാടിന് യാതൊരു മാറ്റവുമില്ല. മറിച്ചുള്ള വാര്ത്തകള്ക്ക് യാതൊരു അടിസ്ഥാനവുമില്ല-സുധീരന് ഫെയ്സ് ബുക്കില് കുറിച്ചു.