പെരളശേരി ഗ്രാമ പഞ്ചായത്ത് ആറാംവാര്ഡ് അംഗം സുരേഷ് ബാബു തണ്ടാരത്ത് അന്തരിച്ചു; സംസ്കാരം ബുധനാഴ്ച പയ്യാമ്പലത്ത്
പെരളശേരി ഗ്രാമ പഞ്ചായത്ത് ആറാംവാര്ഡ് അംഗം സുരേഷ് ബാബു തണ്ടാരത്ത് അന്തരിച്ചു;
പെരളശേരി :പെരളശ്ശേരി പഞ്ചായത്ത് ആറാം വാര്ഡ് മെമ്പര് സുരേഷ്ബാബു തണ്ടാരത്ത് അന്തരിച്ചു. ഇന്ന് രാവിലെ വീട്ടില് കുഴഞ്ഞുവീണ സുരേഷ് ബാബു തണ്ടാരത്തിനെ അഞ്ചരക്കണ്ടി മെഡിക്കല് കോളേജ് ആശുപത്രിയിലെത്തിച്ചുവെങ്കിലും ജീവന് രക്ഷിക്കാനായില്ല. വൃക്ക രോഗത്തിന് ഡയാലിസസ് ചെയ്തു വരികയായിരുന്നു ഇദ്ദേഹം. ഹൃദയാഘാതമാണ് മരണകാരണമെന്നാണ് പ്രാഥമിക നിഗമനം.
സി.പി.എം സിറ്റിങ് സീറ്റായ ബാവോഡ് ഈസ്റ്റ് വാര്ഡില് നിന്നും 12 വോട്ടിനാണ് യു.ഡി.എഫ് സ്ഥാനാര്ത്ഥിയായ സുരേഷ് ബാബു തണ്ടാരത്ത് പെരളശേരി പഞ്ചായത്ത് അംഗമായി ജയിച്ചത്. കോണ്ഗ്രസ് പ്രവര്ത്തന രംഗത്ത് ഏറെ മികച്ച പ്രവര്ത്തനങ്ങള് കാഴ്ച്ചവെച്ച സാമൂഹിക, സാംസ്കാരിക രംഗങ്ങളില് തിളങ്ങി നിന്ന വ്യക്തി കൂടിയാണ് സുരേഷ് ബാബു തണ്ടാരത്ത്. ജനപ്രിയ നേതാവായ ഇദ്ദേഹത്തിന്റെ അപ്രതീക്ഷിത വിയോഗം നാടിന് നഷ്മായിരിക്കുകയാണ്. പൊതുദര്ശനം ബുധനാഴ്ച രാവിലെ ഏഴുമണി മുതല് വെള്ളച്ചാല് മഹാത്മ മന്ദിരത്തില് നടക്കും. സംസ്കാരം ബുധനാഴ്ച രാവിലെ 11 മണിക്ക് പയ്യാമ്പലത്ത് നടക്കും.