വയോധികന്റെ ജനനേന്ദ്രിയം പാതി അറ്റുപോയ നിലയിൽ; ഗുരുതര പരിക്ക്; നായ കടിച്ചതെന്ന് ഒപ്പം ഉണ്ടായിരുന്നവർ; ആശുപത്രിയിലേക്ക് മാറ്റി; ദുരൂഹത; അന്വേഷണം തുടങ്ങി

ഏലപ്പാറ: പ്രായമായ ആളെ ജനനേന്ദ്രിയം മുറിഞ്ഞനിലയിൽ ആശുപത്രിയിൽ പ്രവേശിപ്പിച്ചു. കൊച്ചുകരുന്തരുവി സ്വദേശി തങ്കപ്പനെ(70)യാണ് പീരുമേട് താലൂക്ക് ആശുപത്രിയിലെത്തിച്ചത്. നായയുടെ കടിയേറ്റാണ് ജനനേന്ദ്രിയം മുറിഞ്ഞതെന്നാണ് ഒപ്പമുണ്ടായിരുന്നവർ പറയുന്നത്. ഗുരുതരപരിക്കായതിനാൽ കോട്ടയം മെഡിക്കൽ കോളേജ് ആശുപത്രിയിലേക്ക് മാറ്റി.

ആയുധംകൊണ്ട് മുറിവേറ്റതായാണ് പ്രാഥമികനിഗമനം. അബോധാവസ്ഥയിലായതിനാൽ പോലീസിന് തങ്കപ്പന്റെ മൊഴി രേഖപ്പെടുത്താൻ കഴിഞ്ഞിട്ടില്ല. ഇദ്ദേഹത്തിന്റെ കാലിലും മുറിവുകളുണ്ട്. വാഗമൺ പോലീസ് അന്വേഷണം തുടങ്ങി.