പതിനാറുകാരിയെ ബലാത്സംഗം ചെയ്ത് ഗര്‍ഭിണിയാക്കിയ പത്തൊന്‍പതുകാരന്‍ അറസ്റ്റില്‍
പതിനാറുകാരിയെ ബലാത്സംഗം ചെയ്ത് ഗര്‍ഭിണിയാക്കിയ പത്തൊന്‍പതുകാരന്‍ അറസ്റ്റില്‍
അടൂര്‍: രണ്ടുവര്‍ഷമായി അടുപ്പത്തിലായിരുന്ന പെണ്‍കുട്ടിയെ ബലാത്സംഗം ചെയ്ത് ഗര്‍ഭിണിയാക്കിയ കേസില്‍ 19 കാരനെ പിടികൂടി ഏനാത്ത് പോലീസ്.കടമ്പനാട് വടക്ക് കല്ലുകുഴി ചുമടുതാങ്ങി മുപ്പന്നിയില്‍ വീട്ടില്‍ ബിജിഷ് (19)ആണ് അറസ്റ്റിലായത്.
കഴിഞ്ഞ വര്‍ഷം ജൂണ്‍ 20 ന് ഇയാളുടെ വീട്ടില്‍ വച്ചാണ് ലൈംഗിക പീഡനത്തിന് കുട്ടിയെ ഇരയാക്കിയത്. പെണ്‍കുട്ടി ഗര്‍ഭിണിയായി. കുട്ടിയുടെ മൊഴിപ്രകാരം ജനുവരി 30 ന് ശാസ്താംകോട്ട പോലിസ് സ്റ്റേഷനില്‍ കേസെടുത്തു. സംഭവം ഏനാത്തു പോലീസ് സ്റ്റേഷന്‍ പരിധിയിലുള്ള പ്രതിയുടെ വീട്ടില്‍ വച്ചായതിനാല്‍ എഫ്.ഐ.ആര്‍ ഇവിടേക്ക് കൈമാറി. പോലീസ് ഇന്‍സ്പെക്ടര്‍ എ.ജെ.അമൃതസിംഗ് നായകത്തിന്റെ നേതൃത്വത്തിലാണ് അന്വേഷണം നടക്കുന്നത്.
ജില്ലാ പോലീസ് മേധാവിയുടെ നിര്‍ദേശപ്രകാരം പ്രതിക്കായുള്ള തെരച്ചില്‍ ഊര്‍ജിതമാക്കിയതിനെ തുടര്‍ന്ന് കോഴിക്കോട് ചെറുവാടിയിലെ അതിഥി തൊഴിലാളികള്‍ താമസിക്കുന്ന ക്യാമ്പില്‍ നിന്നും പിടികൂടുകയായിരുന്നു. കേസില്‍ വിശദമായ അന്വേഷണം തുടരുകയാണ്. ബിജീഷ് ഏനാത്ത് സ്റ്റേഷനില്‍ കഴിഞ്ഞവര്‍ഷം രജിസ്റ്റര്‍ ചെയ്ത മോഷണ കേസിലും പന്തളം പോലീസ് രജിസ്റ്റര്‍ ചെയ്ത മറ്റൊരു കേസിലും പ്രതിയാണ്. പ്രതിയെ കോടതിയില്‍ ഹാജരാക്കി റിമാന്‍ഡ് ചെയ്തു.