കായംകുളത്ത് ഞെട്ടിപ്പിക്കുന്ന സംഭവം; അഭിഭാഷകനായ മകൻ മാതാപിതാക്കളെ അതിക്രൂരമായി വെട്ടിപ്പരിക്കേൽപ്പിച്ചു; മുഖത്ത് ആഴത്തിൽ മുറിവ്; ഒരാളുടെ നില ​അതീവ ഗുരുതരം

ആലപ്പുഴ: കായംകുളം കളരിക്കൽ പ്രദേശത്ത് മാതാപിതാക്കളെ അഭിഭാഷകനായ മകൻ വെട്ടിപ്പരിക്കേൽപ്പിച്ചു. അഡ്വ. വിശ്വജിത്ത് നടരാജൻ എന്നയാളാണ് അച്ഛനായ നടരാജൻ, അമ്മ സിന്ധു എന്നിവരെ വെട്ടിയത്.

നടരാജനും സിന്ധുവിനും മുഖത്താണ് വെട്ടേറ്റത്. ഇതിൽ ഒരാളുടെ നില ഗുരുതരമാണ്. പരിക്കേറ്റ ഇരുവരെയും ഉടൻതന്നെ വണ്ടാനം മെഡിക്കൽ കോളേജ് ആശുപത്രിയിലേക്ക് മാറ്റി.

സംഭവത്തിന് ശേഷം മകനായ അഡ്വ. വിശ്വജിത്തിനെ പോലീസ് ബലംപ്രയോഗിച്ച് കീഴ്പ്പെടുത്തി കസ്റ്റഡിയിലെടുത്തു. ആക്രമണത്തിലേക്ക് നയിച്ച പ്രകോപനത്തിൻ്റെ കാരണം എന്താണെന്ന് ഇതുവരെ വ്യക്തമായിട്ടില്ല. സംഭവത്തിൽ പോലീസ് അന്വേഷണം ആരംഭിച്ചിട്ടുണ്ട്.