ബാഗിന്റെ വള്ളി ഡോറിന്റെ ലോക്കിൽ കുടുങ്ങി; കെഎസ്ആര്‍ടിസി ബസിൻ്റെ വാതിൽ തുറന്ന് പുറത്തേക്ക് വീണ വിദ്യാർത്ഥിനിക്ക് പരിക്ക്; സംഭവം തിരുവനന്തപുരത്ത്
By : സ്വന്തം ലേഖകൻ
Update: 2025-10-17 06:15 GMT
തിരുവനന്തപുരം: പാച്ചല്ലൂരില്‍ ഓടിക്കൊണ്ടിരുന്ന കെഎസ്ആര്‍ടിസി ബസിൻ്റെ വാതിൽ തുറന്ന് വിദ്യാർത്ഥിനി പുറത്തേക്ക് വീണു. സംഭവത്തിൽ മറിയം (22)കാരിക്കാണ് പരുക്കേറ്റത്. പാണവിള ഭാഗത്തുനിന്ന് ബസിൽ കയറിയ യുവതിക്കാണ് പരിക്കേറ്റത്. ഇവരെ അമ്പലത്തറയിലെ സ്വകാര്യ ആശുപത്രിയിൽ പ്രവേശിപ്പിച്ച് വിദഗ്ധ ചികിത്സ നൽകി.
ശ്രീചിത്ര ഇൻസ്റ്റിറ്റ്യൂട്ടിലെ വിദ്യാർത്ഥിനിയാണ് അപകടത്തിൽപ്പെട്ട മറിയം. പൂവാർ ഭാഗത്തുനിന്നും തിരുവനന്തപുരത്തേക്ക് വരികയായിരുന്ന ബസ്സിലാണ് സംഭവം നടന്നത്. ബാഗിന്റെ വള്ളി വാതിലിന്റെ ലോക്കിൽ കുടുങ്ങിയതാണ് വാതിൽ തുറക്കാൻ ഇടയാക്കിയതെന്നാണ് പ്രാഥമിക നിഗമനം. തുടർന്ന് വിദ്യാർത്ഥിനിയെ ഉടൻ തന്നെ ആശുപത്രിയിൽ പ്രവേശിപ്പിക്കുകയുമായിരുന്നു.