സുരേഷ് ഗോപി 2024 ലെ 'മനോരമ ന്യൂസ് വാര്‍ത്താ താരം'; പിന്തളളിയത് പി വി അന്‍വറിനെയും ഷാഫിയെയും ശ്രീജേഷിനെയും; ജേതാവിനെ പ്രഖ്യാപിച്ച് ഐ എം വിജയന്‍
സുരേഷ് ഗോപി 2024 ലെ 'മനോരമ ന്യൂസ് വാര്‍ത്താ താരം
Update: 2025-01-31 16:26 GMT
കൊച്ചി: കേന്ദ്രമന്ത്രിയും നടനുമായ സുരേഷ് ഗോപിയെ 2024 ലെ മനോരമ ന്യൂസ് വാര്‍ത്താ താരമായി തിരഞ്ഞെടുത്തു. അഭിപ്രായവോട്ടെടുപ്പില്‍ ഒന്നാമതെത്തിയാണ് സുരേഷ് ഗോപി 'മനോരമ ന്യൂസ് ന്യൂസ്‌മേക്കര്‍ 2024' പുരസ്‌കാരത്തിന് അര്‍ഹനായത്. പത്മശ്രീ നേടിയ ഫുട്‌ബോള്‍ താരം ഐ.എം. വിജയനാണ് വാര്‍ത്താതാരത്തെ പ്രഖ്യാപിച്ചത്.
പത്തുപേരടങ്ങിയ പ്രാഥമികപട്ടികയില്‍നിന്ന് കൂടുതല്‍ പ്രേക്ഷക വോട്ടുകള്‍ കിട്ടിയ നാലുപേരാണ് ന്യൂസ് മേക്കര്‍ അന്തിപട്ടികയിലിടം നേടിയത്. പി.വി.അന്‍വര്‍, ഷാഫി പറമ്പില്‍ എം.പി, പി ആര്‍ ശ്രീജേഷ് എന്നിവരടക്കമുള്ള പട്ടികയില്‍ നിന്നാണ് സുരേഷ് ഗോപിയെ തിരഞ്ഞെടുത്തത്.