ട്രെയിന് നേരെ കല്ലേറ്; വിൻഡോ സീറ്റിലിരുന്ന ഉദ്യോ​ഗസ്ഥന്റെ തലക്ക് മാരക പരിക്ക്; പോലീസ് അന്വേഷണം തുടങ്ങി

കൊച്ചി: ഇന്നലെ വൈകുന്നേരം ഇടപ്പള്ളിയിൽ ചെന്നൈ മെയിലിന് നേരെ കല്ലേറുണ്ടായ സംഭവത്തിൽ ട്രെയിനിലിരുന്ന് യാത്ര ചെയ്യുകയായിരുന്ന അഗ്നിരക്ഷാ ഉദ്യോഗസ്ഥന് തലയ്ക്ക് പരിക്കേറ്റു. തിരുവനന്തപുരത്ത് നിന്ന് പറവൂരിലേക്ക് യാത്ര ചെയ്യുകയായിരുന്ന നോർത്ത് പറവൂർ അഗ്നിരക്ഷാ നിലയത്തിലെ സീനിയർ ഫയർ ആൻഡ് റെസ്ക്യൂ ഓഫീസർ എസ്.എസ്. രഞ്ജിത്തിനാണ് പരിക്കേറ്റത്.

ഇന്നലെ വൈകുന്നേരമാണ് സംഭവം നടന്നത്. വിൻഡോ സീറ്റിലിരുന്ന് യാത്ര ചെയ്യുകയായിരുന്ന രഞ്ജിത്തിന്‍റെ തലയിൽ കല്ല് കൊണ്ടാണ് ഇടിച്ചത്. തുടർന്ന്, അടുത്ത സ്റ്റേഷനായ ആലുവയിൽ ഇറങ്ങിയ അദ്ദേഹം റെയിൽവേ പ്രൊട്ടക്ഷൻ ഫോഴ്സിനും (RPF) കേരള പോലീസിനും സംഭവം സംബന്ധിച്ച് വിവരം നൽകി.

ആരാണ് കല്ലെറിഞ്ഞതെന്ന് കണ്ടെത്താനുള്ള അന്വേഷണം പോലീസ് ആരംഭിച്ചിട്ടുണ്ട്. സംഭവത്തെക്കുറിച്ച് കൂടുതൽ വിവരങ്ങൾ ലഭ്യമായിട്ടില്ല. ഈ സംഭവം റെയിൽവേ യാത്രക്കാരുടെ സുരക്ഷയെക്കുറിച്ച് ആശങ്ക ഉയർത്തുന്നു.