തിരുവനന്തപുരത്ത് ആശുപത്രി ജീവനക്കാരി മരിച്ച നിലയില്‍; രണ്ടു ദിവസമായി യുവതിയെ സംബന്ധിച്ച് യാതൊരു വിവരവുമുണ്ടായിരുന്നില്ലെന്ന് കുടുംബം

തിരുവനന്തപുരം: തിരുവനന്തപുരത്ത് ആശുപത്രി ജീവനക്കാരിയെ മരിച്ച നിലയില്‍ കണ്ടെത്തി. കോഴിക്കോട് സ്വദേശി അലിഷ ഗണേഷിനെയാണ് താമസസ്ഥലത്ത് മരിച്ച നിലയില്‍ കണ്ടെത്തിയത്. ശാസ്തമംഗലം എസ്.പി ഫോര്‍ട്ട് ആശുപത്രിയിലെ ഓഫീസ് അഡ് മിനിസ്ട്രേഷന്‍ വിഭാഗത്തില്‍ ജോലി ചെയ്യുകയാണ് യുവതി.

രണ്ടു ദിവസമായി യുവതിയെ സംബന്ധിച്ച് യാതൊരു വിവരവുമുണ്ടായിരുന്നില്ലെന്ന് കുടുംബം പറയുന്നു. തുടര്‍ന്ന് പൊലീസില്‍ നല്‍കിയ പരാതിക്ക് പിന്നാലെ നടത്തിയ അന്വേഷണത്തിലാണ് യുവതിയെ താമസസ്ഥലത്ത് മരിച്ച നിലയില്‍ കണ്ടെത്തുന്നത്. മരണകാരണം വ്യക്തമല്ല.