കോഴിഫാമില്‍ നിന്നും വൈദ്യുതാഘാതമേറ്റ് അപകടം; യുവാവിന് ദാരുണാന്ത്യം; സംഭവം കൽപ്പറ്റയിൽ
By : സ്വന്തം ലേഖകൻ
Update: 2025-06-19 14:20 GMT
കല്‍പ്പറ്റ: വയനാട്ടിൽ പനമരത്ത് വൈദ്യുതാഘാതമേറ്റ് യുവാവിന് ദാരുണാന്ത്യം. പുഞ്ചവയല്‍ അശ്വതി നിവാസില്‍ പരേതനായ ബാലന്‍ മാസ്റ്ററുടെയും സുമവല്ലിയുടെയും മകന്‍ ജിജേഷ് ബി. നായര്‍ (43) ആണ് മരിച്ചത്. കഴിഞ്ഞ ദിവസം രാത്രി വീടിന് സമീപത്തെ കോഴി ഫാമില്‍ വെച്ചാണ് ജിജേഷിന് വൈദ്യുതാഘാതമേറ്റത്.
അപകടം നടന്നയുടന്‍ ബന്ധുക്കളും നാട്ടുകാരും ചേർന്ന് ഇദ്ദേഹത്തെ പനമരത്തെ സ്വകാര്യ ആശുപത്രിയിൽ എത്തിക്കുകയും. പിന്നീട് വയനാട് മെഡിക്കല്‍ കോളേജ് ആശുപത്രിയിലും എത്തിച്ചുവെങ്കിലും ജീവൻ രക്ഷിക്കാൻ സാധിച്ചില്ല.