പയ്യോളിയില്‍ ട്രെയിനില്‍ നിന്ന് വീണ് യുവതി മരിച്ചു; അപകടം മാതാപിതാക്കള്‍ക്കൊപ്പം കണ്ണൂരില്‍ പോയി മടങ്ങവേ
പയ്യോളിയില്‍ ട്രെയിനില്‍ നിന്ന് വീണ് യുവതി മരിച്ചു
Update: 2024-11-08 13:03 GMT
കോഴിക്കോട്: ട്രെയിനില്‍ നിന്നു വീണു യുവതി മരിച്ചു. പയ്യോളിയിലാണ് സംഭവം. മലപ്പുറം ചേലമ്പ്ര മാമ്പഴക്കാട്ട് പുറായി സുബ്രഹ്‌മണ്യന്റെ മകള്‍ ജിന്‍സി (26) ആണ് മരിച്ചത്. ഇന്നു രാവിലെ ആറു മണിയോടെ മൂരാട് റെയില്‍വേ ഗെയ്റ്റിനു സമീപമാണ് അപകടം.
കണ്ണൂരില്‍ നിന്ന് ആലപ്പുഴയിലേക്കു പോകുകയായിരുന്ന എക്‌സിക്യൂട്ടീവ് എക്‌സ്പ്രസില്‍ നിന്നാണ് വീണത്. അച്ഛന്റെയും അമ്മയുടെയും കൂടെ കണ്ണൂരിലെ സുഹൃത്തിനെ സന്ദര്‍ശിച്ചു തിരികെ വീട്ടിലേക്കു വരുമ്പോഴായിരുന്നു അപകടമുണ്ടായത്. അമ്മ ഗിരിജ. സഹോദരി ലിന്‍സി.