തിരുവല്ലയില്‍ 1.501 ഗ്രാം എം ഡിഎംഎയും 50 ഗ്രാം കഞ്ചാവുമായി യുവാവ് പിടിയില്‍
തിരുവല്ലയില്‍ എം ഡിഎംഎയും കഞ്ചാവുമായി യുവാവ് പിടിയില്‍
By : സ്വന്തം ലേഖകൻ
Update: 2024-11-19 18:01 GMT
പത്തനംതിട്ട: തിരുവല്ലയില്‍ 1.501 ഗ്രാം എം ഡിഎംഎയും 50 ഗ്രാം കഞ്ചാവുമായി യുവാവ് പിടിയില്‍. എക്സൈസ് എന്‍ഫോഴ്സ്‌മെന്റ് ആന്റ് ആന്റി നര്‍കോട്ടിക് സ്‌പെഷ്യല്‍ സ്‌ക്വാഡ് സര്‍ക്കിള്‍ ഇന്‍സ്പെക്ടര്‍ എസെബാസ്റ്റ്യനും സംഘവും ചേര്‍ന്ന് നടത്തിയ പരിശോധനയിലാണ് തിരുവല്ലകവിയൂര്‍ വില്ലേജില്‍ കക്കൂടി ഞാല്‍ ഭാഗം മുറിയില്‍ കുഴിമലതാഴ്ചയില്‍ പ്രശാന്ത് എന്നയാളെ അറസ്്റ്റ് ചെയ്തത്.
അസിസ്റ്റന്റ് എക്സൈസ് ഇന്‍സ്പെക്ടര്‍ ഗ്രേഡ് ജയകുമാര്‍ പ്രിവെന്റിവ് ഓഫീസര്‍ ഗ്രേഡ് റിയാസ്‌മോന്‍ സിവില്‍ എക്സൈസ് ഓഫീസര്‍ അജിത്, വനിത സിവില്‍ എക്സൈസ് ഓഫീസര്‍ സുബ്ബലക്ഷ്മി ജയറാം, ഡ്രൈവര്‍ ശ്രീജിത്ത് എന്നിവര്‍ പങ്കെടുത്തു